2+1年更新、真三卡、核電 :Nokia G20 開箱 + 相機實測

YKer 2021-06-09 21:30 | Nokia
如果要搵千元級的手機,Nokia 總會係其中一個值得考慮的候選佳麗。 原因係佢係市場上極少數有推出純淨 Android 系統的手機品牌。 今次係香港推出的 Nokia G20 正正就係新登場的入門 Android 手機,預載 Android 11 系統外,亦保證提供 2 年系統更新和額外一年安全性更新,代表保證可以升上 Android 12 系統。到底一部千元機的 Nokia G20 質素表現又如何呢? 一齊開箱實測!

fb01.jpg

開箱 + 外觀
睇翻版主的開賣情報,Nokia G20 建議零售價係 1798 元,港行備有藍色和白色兩款選擇。 但要留意,Nokia G20 係一款 4G LTE 手機,並不支持 5G 網絡; 所以從價格定位上黎睇,明顯係一部副機 / 入門定位。

P6060612.JPG
▲ Nokia 一貫的白底 + 機身圖樣外盒。

P6060618.JPG
▲ 官方覺得重要的賣點都清楚咁列出係盒上:  四鏡頭都係賣點?  其實呢部 G20 鏡頭無蔡司加持,但影出黎的效果卻相當令人滿意; 而真正獲得本 YK 認可的優點,其實係真三卡、純淨系統、以及超大電池!  

P6060619.JPG
▲ 官方保證最少有兩年的系統升級,亦代表 Android 12 係肯定會提供得到比用戶; 另外會加多一年的安全性更新,市場上如果要追得咁貼的更新,又要係比較純淨、簡潔的系統,真係得 Nokia 一家。

a06.JPG
▲ 盒內配件係完美地齊全,你一開盒就要乜有乜,除了說明書、火牛、充電數據線外,甚至包括原裝開模的清水膠套、3.5mm 通話耳機。

a09.JPG
▲ 入門機邊度會有快充,Nokia G20 原裝提供 5V/2A 的 USB 火牛。

a11.JPG
▲ 機身背部無花巧設計,純塑膠物料製成;機身亦通過 IPX2 防水 ~ 滴的認證,有好過無喇 ~
仔細察看會發現,塑膠表面加入凹凸坑紋,防指紋抗油污功能之餘,亦能起到強化背蓋結構的作用;所以成部 G20 揸上手係相當紮實無虛位。

a12.jpg
▲ 背面分別有 4800 萬像素 f/1.79 大光圈鏡頭、500 萬像素超廣角鏡頭、200 萬像素景深鏡頭和 200 萬像素微距鏡頭。

a14.jpg
▲ 機身頂部保留 3.5mm 耳機孔,旁邊的收音孔亦支持 Nokia 獨家 OZO 音效。

a17.jpg
▲ 機身底部自然有外放喇叭、USB-C 充電接口及另一個收音孔。機身右側是音量鍵和電源鍵,而電源鍵亦兼任指紋識別器的功能。底部一如既往加入 Nokia 的標誌,而虛擬條可以改爲虛擬三天王。

a16.jpg



▲ 機身左側是獨立 Google Assistant 專用按鍵,卡槽具備獨立三卡功能,可以同時安裝 2 張 nanoSIM 和 1 張 microSD 卡,支持最高 512GB 擴充容量。

a18.jpg
▲ 黎到機身正面,一塊 6.5 吋 20:9 比例的 HD+ LCD 屏幕,出廠預先亦貼好一塊保護膜。

a19.jpg
▲ 水滴屏設計的前鏡頭是 800 萬像素;屏幕最高亮度一般,抗反光能力亦相對弱,烈日下正面勉強看得到畫面顯示的內容,如果側少少就會受到反光影響。

a02.jpg
▲  有兩款機身顏色。

規格 + 性能實測
Screenshot_20210606-140346.pngScreenshot_20210606-140423.png
​▲ 預載系統相當乾淨,更加無任何廣告; 值得留意係 G20 亦內置通話電子降噪功能。

Screenshot_20210606-140501.pngScreenshot_20210606-140610.png
​▲ 而 NFC、Casting 功能、甚至 Android Auto 都沒有因爲入門級緣故而被 CUT 走; 一開機就已經見到 4 月的安全更新包及改良系統體驗的更新包。

Screenshot_20210606-153444.pngScreenshot_20210606-153449.png
​▲ 港行 G20 採用 MTK G35 八核心處理器,由於 8 個都係 A53 核心,所以速度上唔好有太大期望; 內建 4GB RAM 和 128GB ROM 對入門機黎講相當充足。

Screenshot_20210606-161742.pngScreenshot_20210606-161755.png
​▲ 運行 Geekbench 5 性能測試,單核心得分 169 分、多核心得分 949 分;呢組分數絕對係入門到無得再入門的性能,因爲隔離高通 4 系性能都會飛天,相比之下發哥入門級處理器確實比較弱。

Screenshot_20210606-162005.png
​▲ 至於 Androbench 測試亦顯示,最關鍵的隨機讀寫速度分別只有 44MB/s 和 16MB/s; 而由於不是採用 UFS 制式,所以 G20 同步運行好多程式時,系統運作會明顯變慢。但日常單一應用運作速度依然相當流暢。

Screenshot_20210607-190535.pngScreenshot_20210607-190604.png
​▲ 內建 5050mAh 電量的 Nokia G20 在 Geekbench 4 續航力測試中跑出長達 15 小時的 7772 分,以五千電的續航分數黎講已經超越唔少對手。


相機表現 有驚喜
Nokia G20 並沒有蔡司認證,本來對相機實拍表現都無太大期望,但實際拍攝出來的效果又相當有驚喜,成像相當結實,色準平衡表現穩定,更重要係有夜景模式加持,實拍效果都相當好。 超廣角受制於像素少的先天性因素,出黎的效果確實不如主鏡頭好,但色準表現亦不錯,極少出現錯色的情況。而微距鏡頭像素得 200 萬像素,但影出黎效果卻相當不錯,但就有黑角加持,好似天生加左 filter 濾鏡咁,玩味成份十足。

IMG_20210608_114113.jpg
​▲ 主鏡頭 4800 萬像素影出黎的效果相當不錯,色彩不會過份濃郁,發色自然順眼。

IMG_20210608_114133.jpg
​▲ 換上微距鏡,系統會提示保持 4cm 距離,影出黎效果色彩對比圖相當高,但畫質就相對鬆散,有少少似 Lomo 相機風格。

IMG_20210608_113929.jpg
​▲ 超廣角拍攝下的色溫也獲得正確偵測。

IMG_20210608_173840.jpg
​▲ 陰天下複雜的色彩場景,檢測色溫亦相當準確,現場還原度高。

IMG_20210608_114211.jpg
​▲ 4800 萬像素加持下,畫面線條紋理基本上都唔會化,都係相當清晰明確。

IMG_20210608_234911.jpg
▲ 超級黑暗的環境中,放大後會見到雜訊比較明顯,但色溫依然相當準確,亦清楚見到「SUS304」字眼。

IMG_20210608_234928.jpg
▲ 只要開啓神奇的「夜景模式」,雜訊立刻變少,而且銳利度更高,甚至連「斑馬繩」都清晰見到間隔細節!


總結
Nokia G20 優點係相當明確,真三卡、超大電、LCD 屏幕,乾淨系統,絕對係一部相當正的入門機,完全擔當得起副機角色。 比較令人驚喜係相繼雖然無蔡司加持,但影出黎的相片卻色準自然。 如果係喜歡「聽馬」的長輩,佢亦保留 FM 收音機功能。

但 Nokia G20 有一個明顯的缺點,要用落去先知,就係不支持 5G,唔係講 5G 數據網絡,而係講緊雙頻 WiFi 制式:Nokia G20 只支持 2.4GHz 制式而不支持 5GHz 制式。 對於本 YK 呢種家居全升 5G WiFi 時代的用戶黎講,要想辦法開翻支持舊制式的功能,或者一路長開用數據上網。 
 

相關產品 (1)

相關報導 (2)

2+1年更新、真三卡、核電 Nokia G20 開箱 + 相機實測

2+1年更新、真三卡、核電 Nokia G20 開箱 + 相機實測

如果要搵千元級的手機,Nokia總會係其中一個值得考慮的候選佳麗。原因係佢係市場上極少數有推出純淨Android系統的手機品牌。今次係香港推出的NokiaG20正正就係新登場的入門Android手機,預載Android11系統外,亦保證提供2年系統更新和額外一年安全性更新,代表保證可以升上Android12系統。到底一部千元機的NokiaG20質素表現又如何呢?一齊開箱實測!

YKer | 2021-06-14
二千中有 Nokia 6+128 5G 新機!X10、G20 香港發表

二千中有 Nokia 6+128 5G 新機!X10、G20 香港發表

Nokia今日宣佈推出全新的高階X系列以及提供持久電池續航力的G系列手機,分別為X10以及G20,當中的X10是一部5G手機,而G20則是一部擁有5050mAh大電的4G手機,其中的X10更會提供兩年保養。到底兩部手機香港賣價會是多少錢?看下文吧!

左定坤 (Cho Ting Kwan) | 2021-06-09

最新新聞