LG G3 酒紅色 7 月 31 日抵港！場內 32GB「全新行貨」價錢維持 $5,000！
首先要同大家分享一個好消息，就係酒紅色版本既 LG G3 終於有登陸日期啦，今日版主收到官方新聞稿，話呢部機既酒紅色版本會係 7 月 31 號正式開賣，至於紫藍色就仍然未公佈啦。手機價錢仍然不變 16GB 版本賣 $5,698 ，而 32GB 版本賣 $5,998 。話雖如此，版主之前都同大家講過蘇寧有 LG G3 既暗盤價，用 $5,398 就買到 32GB；而衛訊今日推出既「即減優惠」更加可以用 $4,998 入手 32GB 版本的 LG G3，比起官價平 $1,000 。
其實見到大鋪做減價優惠，版主 Eddie 都去過場內睇睇細鋪既反應，發現價錢變動不大。就以 LG G3 為例， 16GB 版本價錢仍然停留在 $4,700 ~ $4,800 ； 32GB 價錢在 $4,900 ~ $5,200 ，同半個月之前睇差唔多。問到相熟的店鋪都話來貨價錢唔平得幾多，再減落去真係「冇肉食」，衛訊做「即減」之後價錢其實差唔多，相對之下細鋪「全新行貨」係失去優勢既。然而韓水的 LG G3 減幅唔算少，用 $4,100 ~ $4,300 左右就可以入手韓版 32GB ，仲要包兩電兩充，會唔會能夠用割價賣既行貨機鬥呢？不如網友都講下自己既睇法吧！
▲今日版主再去場內看 LG G3 的價錢，仍然做緊 $5,000 ~ $5,200 (32GB) ，在衛訊玩「即減」之後，好像沒太大優勢，反而韓水就便宜得多， $4,000 頭有交易
在文章發佈的時侯， LG G3 (16GB) 定價 $5,698，按此看詳細規格和最新賣價。
在文章發佈的時侯， LG G3 (32GB) 定價 $5,998，按此看詳細規格和最新賣價。