▲現時日本無鎖版的 Nexus 5 16GB 賣 $2,380 左右;32GB 賣 $2,600 左右,算抵玩嗎?
Nexus 5 大鋪陳列品見 $2,000 有找!日水賣 $2,000 頭起抵唔抵?
可能你都會問版主,Nexus 6 都就黎出啦,而家仲講 Nexus 5 會唔會太 Out ?當然如果大家係追 Spec 或者性價比的話,幾年前推出的 Nexus 5 未必係你心水,不過如果鐘意玩刷 Rom ,始終「親生仔」係比較易玩,加上 Nexus 6 傳聞價格都係 $5,500 以上,我相信 Nexus 5 仍然有一定市場。可惜 Google 已經將 Nexus 5 全線下架,無論係 Google Play Store 或者門市都已經買唔到全新行貨了。而家想入手 Nexus 5 仲有幾個方法,版主係西洋菜街百老匯門市見到有開價 $1,998 的陳列品 Nexus 5 賣,可惜轉個頭已經被別人買斷了,問過店員因為 Nexus 5 已經停產唔賣,部份門市會將陳列品賣出,雖然話係陳列品都包一年保養的;另一個方式就是入手水貨了;版主睇過先達場內的日版 Nexus 5 (16GB) 定價大約 $2,300 、 32GB 定價 $2,600 左右有交易。
講起 Nexus 5 的規格,它採用了 4.95 吋的 1920 x 1080 解像度 IPS 屏幕、Qualcomm S800 2.3GHz 四核心處理器、 2GB RAM 、800 萬像素光學防震主鏡頭、 130 萬像素前鏡頭與 2300mAh 內置電池,機身不能外置插卡與換電,如果真係要講性價比的話,實在有不少其他選擇(例如 Meizu MX 4),而它與規格同級的日水/韓水比較沒錯是比較貴,值唔值得就睇個人需求啦。
▲因為日版的 Nexus 6 都支援到 1800/2600MHz 的 4G LTE ,所以用起來跟香港版沒太大差別,不過就版主所知是跟日本保養的,買唔買大家考慮清楚
▲全新行貨?版主問過西洋菜街多間大鋪都話已經斷貨,連 Google Play Store 都冇得賣,雖然話 Nexus 6 就快推出,不過想買部「親生仔」刷 Rom 還是 Nexus 5 比較抵
在文章刊出的時侯, LG Nexus 5 (16GB)定價 $3,188 ,按此看詳細規格和最新賣價。
在文章刊出的時侯, LG Nexus 5 (32GB)定價 $3,588 ,按此看詳細規格和最新賣價。