▲ 從今次的曝光圖可以見到， LG 下一代旗艦係正面外觀上同 2014 年推出的 G3 分別唔算話好大（版主覺得同剛抵港的 LG Spirit 更似樣）係機背方面，第一樣要留意就係左上角大家會見到佢係加入左可能會稱為「 LG G Pen 」的觸控筆。而從圖片看來， LG G4 Note 幾有可能係用上金屬材質的。如果同 LG G3 做比較，大家會見到呢部 G4 Note 係影頭上就變為正方型，而 Home 件就係橢圓型，呢兩點都跟 G3 唔相同。
▲ 除左外觀之外，暫時有關 LG G4 Note 的資料並唔多，只係見到佢搭載 Android 5.0.2 ，同埋 XDA 論壇估計 LG Note 4 的屏幕會係 5.3 吋。最後，點解版主會話今次曝光圖的可信性相當大呢，其中一個原因就係因為機背上大家見到「 Not For Sale 」的字樣，呢個係 LG 標明手機為工程機的慣常做法。大家又點睇呢部 LG 即將推出的手機呢？不妨留言講下啦！
來源：XDA 論壇