LG G Flex 2 大鋪一星期內再減價，跌落五千頭！場內變動不大
雖然用上首部 Qualcomm S810 做賣點，但係 G Flax 2 的銷情其實一直都不算很好。綜合網友反映的意見，呢部機最大弱點可能就係用落感覺會幾 Lag （不知會否係 2GB RAM 推 S810 力有不逮？），屏幕上又因為用左 POLED 可能會有「烙印」問題。只係睇規格的話有齊 FHD 芒、 Qualcomm S810 2.0GHz 八核心同埋 2GB RAM 以及 32GB 內置容量再加上 1300 萬像素的鐳射對焦相機其實都不錯，同 G4 的確可以一比。但一來用家反應不好，二來 G4 又就快推出，再跌價都係不能避免的事啊！版主發現目前大鋪已經將 G Flex 2 的價錢再調低至 $5,098 ，比起上星期再平四百蚊，到左五千頭呢個價位大家又點睇呢？！如果對比返大鋪的話，場內 G Flex 2 變動就比較細啦。其實場內有展示 G Flex 2 的鋪頭都不是好多，某程度上反映左人們普遍對 G Flex 2 的反應不算積極。目前先達的「全新行貨」最平同樣係五千樓下，版主問過最平大約係 $4980 左右。而水貨的話大約 $4180 都見過。至於「有單全新機」就四千蚊更加係四千都唔洗！ $3980 就可以入手。但總括來講 G Flex 2 的價格係大鋪同先達之間已經愈來愈細了。
▲ 如果想再平啲入手 G Flex 2 ，二手機都可能係個方法，場內的 二手 G Flex 2 版主見到就 $3780 左右，比「全新有單」平兩百。
最後又係時候提下即將推出的 LG G4 ，呢部機規格大家都應該大約知道了，但幾時開賣呢？版主就風已收， LG 已經準備就緒，好快 G4 就會係香港開賣，而且可能會比傳聞的 5 月 31 號早，大約 5 月中就會見街啦！唔知對 LG 手機有興趣的朋友又會選擇即將推出的 G4 還是又次減價的 G Flex 2 呢？大家快啲留言分享下啦！
在文章發佈的時侯， LG G Flex 2 賣價為 $5,098，按此看詳細規格與最新賣價。
