韓水 G4 賣價一跌再跌！跟港行賣價差價相距近一千！
再重溫一下有關 G4 的規格等資料先，係規格上 G4 有 5.5 吋的 2560 x 1440 解像度 IPS 屏幕、Qualcomm S808 2+4 核心處理器、3GB RAM 、32GB 容量、1600 萬像素主相機與 800 萬像素前鏡頭、內置 3000mAh 可電池，可以插卡和換電。而係外型上香港首先會推出的係 5 隻顏色（紅、藍、啡、黑、棕），塑膠版就暫時未定幾時推出。而韓水版本 G4 同在港開售的 G4 最主要的分別就在於香港會推出支援中港 4G 的雙卡版本，而韓水版本的 G4 當然沒有呢個功能啦。不過如果要講價錢的話，目前的韓水 G4 係價錢上的競爭力真係高左唔少。如果大家仍記得的話其實版主 Eddie 都同大家分享過 G4 韓水係港版 G4 發佈前價錢一度要近七千！而其實係香港發佈 G4 後版主到場內睇過，價錢雖然回落左但同 G4 港版定價一樣，吸引力仍然不算大。到左今日版主再到場內時，韓水 G4 價錢又再下跌，仲要跌落五千樓下，同 $5698 呢個行貨定價相差接近一千，最平 $4780 可以買到！
除左 G4 之外， LG 上一代旗艦 G3 都有不少朋友留意，不過暫時來講不論係大鋪還是場內變動都唔大。大鋪仍然要 $3998 而先達最平同上次 Eddie 同大家報的價錢一樣，近三千左右。唔知大家又覺得減完價後的韓水 G4 係價錢上算唔算抵玩呢？大家不妨留言講講啊！
▲ 場內韓水膠版 G4 最平係 $4780 左右，如果想入手皮版的話可以上一樓，價錢同塑膠版幾乎一樣。
▲ G3 係大鋪仍未有減價跡像，而場內水貨價位大約為 $2280-2480 ，行貨版主問到最平就係 $2980 。
在文章發佈的時侯， LG G4 於香港的定價為 $5698，按此看詳細規格和最新賣價。