場內四千一可以入手 LG G4 !呢個價有無得諗?

Lawrence 2015-06-16 19:33 | LG
劈價戰來到第六日,暫時各大鋪都開始放慢左腳步,旗艦機都仍然只得九折優惠,可能要過多一段時間先會再有進一步減價了。不過對於想以相對便宜的價錢入手新機的朋友來講,方法其實仍然係有的!以 LG 的 G4 為例,目前看來口碑仍然是相當不錯的,好多朋友都盤算緊幾時 LG 會發揮一貫劈價唔手軟本色。想唔到,入手好機會可能已經來了,一齊來睇睇啦!

//timgm.eprice.com.hk/hk/mobile/img/2015-06/16/202374/lawrencelaw_3_4531_c6c6cfaa8421030a2175e11913c826d6.jpg
如果大家想係場內或細鋪買行貨的話,記得認住呢張銀色貼紙了,行貨都會有的。而下文提到的水貨就沒有。


LG G4 邊到最平買得到?先達場內四千一搞掂

版主留意到不少有意入手 LG 手機的朋友都不太介意買水貨機,以上一代的 G3 為例,日水 L24 同韓水版 G3 都有不少朋友支持。早前同大家分享過係 G4 正式開賣一星期前日水 G4 賣價大跌,目前來講日水價 G4 最平都仍然係要 $4480 ,對比目前大鋪九折 $5128 呢個賣價來講當然吸引力不算大,但如果 $4080 可以買到 G4 大家又會點睇呢?最近先達場內就多左台水版本的 G4 ,雖然只有單卡版而且沒有原廠膠殻贈送,但係 4G 頻段上就有齊香港 900 + 1800 + 2600 呢幾個主要頻段,唔知大家又覺得抵唔抵玩呢?另外如果想要雙卡版本的話場內都有「港水」可以選擇,一樣有膠殻贈送而價錢就貴一百要 $4180 ,同港行最大的分別係「港水」是沒有 LG 銀色貼紙,即係無保養啦。


細鋪 G4 行貨價跌破五千!四千八有找

不過,如果不想冒險想玩返行貨的朋友,其實都有好選擇的。之前同大家分享過深水埗細鋪做緊的 G4 賣價比起大鋪平,想唔到即使大鋪推出九折優惠後都仍然係敵不到細鋪的賣價。最新的細鋪賣價來講 G4 單卡版只係要 $4780 ,而雙卡版就貴 18 蚊,盛惠 $4798 。至於大鋪方面又有甚麼變動呢?都係有嘅但就未必比到驚喜大家, LG 另一部今年推出的 G Flex 2 係百老匯都減左少少,同衛訊一樣做緊 $3998。


場內價錢無大變動! HTC One M9 大鋪可能更抵玩?

另一部係大鋪減價完之後不少網友都「心郁郁」的旗艦就係 HTC One M9 了,自從係大鋪做九折賣 $4498 後版主見到不少網友都有意入手。暫時看來大鋪賣緊的 HTC One M9 係幾有吸引力的,因為先達場內行貨目前仍然做緊 $4680 而水貨版本相距都不大,只係 $4380 。所以對於而家想入手 M9 的朋友來講目前大鋪九折可能都係一個不錯的選擇。

//timgm.eprice.com.hk/hk/mobile/img/2015-06/16/202374/lawrencelaw_3_4531_15c8b6fba73d52e2875507ca31dc7ab7.jpg
日水 G4 近來價錢維持在 $4480-$4680 左右,變動不大。

//timgm.eprice.com.hk/hk/mobile/img/2015-06/16/202374/lawrencelaw_3_4531_cae397ffb1e2c5fd0b974eb9f5dcab11.jpg
大鋪新動向以 G Flex 2 再有減價比較值得一提。

在文章發佈的時侯, LG G4 單卡與雙卡版本,賣價為 $5,128,按此看詳細規格和最新賣價。

最新新聞