LG G4 細鋪行貨價錢無大變,場內韓水港水跌穿四千!
對於想以平價入手行貨 G4 的朋友來講,以下的消息可能會令大家失望。因為自從大鋪企硬係 $5128 之後,細鋪價錢都無大變動。之前版主分享過深水埗細鋪做緊的 G4 賣價就係單卡版 $4780 ,雙卡就會貴少少要 $4798 ,近日再睇過價位都大致上無甚麼變化。雖然話細鋪行貨價錢無變,但係如果係先達場內來講, G4 近來的價錢就可能到達不少朋友的心水價位啦!首先講左韓水版 G4 先,之前韓水版本價錢就維持係 $4480 左右,近日價錢就降左唔少,最平 $3980 就可以搞掂。不過比起韓水,其實場內有單卡版水貨就更加平!目前場內 G4 價錢頗為浮動,版主問到水貨版 G4 最平 $3720 就有交易,而「場內行貨」就係 $4480 。
128GB Zenfone 2 開賣, $2998 抵唔抵?
另一部不少人討論的手機就係 Asus 的 Zenfone 2 。近排 Asus 可能因為了解到 64GB 內置容量 Zenfone 相當受歡迎的關係,係香港就推出左 Zenfoen 2 的 128GB 版本,係大鋪已經有得買,反而深水埗就暫時未見。版主留意過雖然 128GB 版本已經推出,但係深水埗普遍都未有再調低 Zenfone 2 的價錢。唔知大家又覺得呢兩部話題性都相當高的手機邊一款更加值得入手呢?一齊留言講講啦。▲ 128GB 內置容量的 Android 手機在香港恐怕得 Zenfone 2 有。
▲ 有無人同版主一樣覺得 G4 的新橙色背蓋好似一塊橙皮?
在文章發佈的時侯, LG G4 單卡與雙卡版本,賣價為 $5,128,按此看詳細規格和最新賣價。
在文章發佈的時侯,ASUS Zenfone 2 ZE551ML 系列定價由 $2,099 起,按此看詳細規格和最新賣價。