LG Sony 舊代旗艦新低價!會唔會係最後一減?
首先講左 Xperia Z3 同埋 G3 ,兩部機同樣係口碑唔錯的旗艦,前者有 5.2 吋 FHD 芒配 S801 處理器配 3GB RAM ,主相機同新一代的 Xperia Z3+ 一樣,而且電池方面更加有 3100mAh ,續航力一流而且近來仍有不少網友都仲問緊邊到有平。另一方面 LG G3 一樣仍然有不少朋友想入手,係規格上 G3 有 5.5 吋 2K 解像度屏幕, S801 處理器加 3GB RAM 而係相機方面都有支援雷射對焦的 1300 萬像素相機,電池就有 3000mAh 。係價錢方面,大鋪再減後 Xperia Z3 而家已經跌穿四字頭, $3998 就有交易。而 LG G3 就減至 $3298 。講到舊代旗艦減價,其實仲有一部好耐無提過但係版主留意到仍然有不少網友讚好的 LG G Pro 2 ,雖然係規格上可能已經有點過時,但卻係難得的巨芒機!係規格上 G Pro 2 有 5.9 吋 FHD 巨芒,處理器就係 Qualcomm S800 四核配 3GB RAM 配 16GB 內置容量,相機方面就有 1300 萬像素防手震相機同埋 200 萬像素前鏡頭,電池就有 3200mAh 。 G Pro 2 本身有 16GB 以及 32GB 內置容量版本,近日大鋪就將 16GB 減左價 $2898 就有交易。版主有問到 32GB 版本有無得減,但旺角衛訊目前就未有 32GB 賣,幸好本身 G Pro 2 支援最大 64GB SD 卡,都算夠用嘅。今次 LG 同埋 Sony 呢三部旗艦其實都推出左一段時間(特別係 G Pro 2),所以今次的減價分分鐘已經係底價都唔奇,唔知大家都點睇呢?不妨講講睇法啦。
▲ 今次 Xperia Z3 減價係單卡同埋雙卡版都有,四千有找大家覺得算唔算平呢?
▲ LG G3 減到 $3298 可能係回應之前 Sun Mobile 上台優惠而出,但未減至三千樓下吸引力或許會唔夠啊!
▲ 最後仲有呢部係大鋪一直都有賣但係就無點減的機種,版主個人就覺得會係最後一減了。
在文章發佈的時侯, LG G3 賣價 $3298,按此看詳細規格和最新賣價。
在文章發佈的時侯,LG G Pro 2 (16GB) 賣價 $2898,按此看詳細規格和最新賣價。
在文章發佈的時侯, Sony Xperia Z3 賣價 $4298,按此看詳細規格和最新賣價。