劈價之皇月內連劈兩次!網友鬧爆嘅 LG G4 系列新機變得抵玩?

Lawrence 2015-08-28 13:16 | LG
都有好一排未有同大家分享過 LG G4 的動向了,因為 8 月實在相當熱鬧,先有 8 月頭大鋪清貨減價,後又有 Sony 、 Samsung 出新機,好自然 G4 的注目度相對之下都會下降啦!不過係下一輪新機風暴來臨之前(即係 9 月的 IFA 、 Sony 發佈會同埋重頭戲 Apple iPhone 哦!),看來 LG 都要先發制人了,一齊來睇睇有咩新機減左啦!

//timgm.eprice.com.hk/hk/mobile/img/2015-08/28/203107/lawrencelaw_1_4531_7667d4639a6c7c4fc141de9bff30fd39.jpg

一個月內一減再減! 5.7 吋大芒 G4 Stylus 跌穿兩千啦!

首先出場的有用 5.7 吋大芒同埋支援 Rubberdium stylus 手寫筆作為賣點的 G4 Stylus ,個人認為呢部機絕對反映到 LG 係劈價上的技術有幾咁高超。係規格上 G4 Stylus 真係好普通,有 5.7 吋大芒但只有 720p 解像度,處理器用上不少網友都頂唔順的 Qualcomm S410 配 1GB RAM 以及 8GB 內置容量。相機係 1300 萬像素主鏡配 500 萬像素前鏡,電池就係 3000mAh 。即使 G4 Stylus 支援 32GB 插卡但呢種咁嘅硬件規格係 6 月登場的時候 G4 Stylus 定價都要 $2398 ,當然會被網友鬧爆啦!可能因為實在太唔吸引了,近日 G4 Stylus 已經減到 $1998 ,仲要係一個月內第二度減價,可見 LG 劈價的決心係幾咁大!(但定價方面就⋯⋯)


中低階、入門級都有份! G4 Beat 、 G4c 一齊減價

講完最大芒嘅一部就到兩款屏幕較細的手機,當中 G4 Beat 係比較近期推出的機款,規格比較好而且本身定價仲貴過 G4 Stylus ,要 $2498 。係規格上 G4 Beat 5.2 吋有 FHD 屏幕, Qualcomm S615 1.5GHz 處理器配 1.5GB RAM 同埋 8GB 內置容量。相機就係 500 萬像素前置鏡頭同埋 800 萬像素主鏡頭,電池就係 2300mAh 可換式電池。係網友心目中,呢個規格要價成兩千中相信都係不能接受,所以而家大鋪都要減價,最新賣價為 $2198 ,平左三百蚊。另外定價最平,規格都只屬入門級的 G4c 同樣有減,由 $1798 減為 $1598 。

//timgm.eprice.com.hk/hk/mobile/img/2015-08/28/203107/lawrencelaw_3_4531_2ecb29ab961003f94ca30846d4ba649f.jpg
G4 Stylus 今次再減已經係短時間內第二次調低售價了。

//timgm.eprice.com.hk/hk/mobile/img/2015-08/28/203107/lawrencelaw_3_4531_62287330d19a13fec919128fe2e88eeb.jpg
G4 Beat 係 LG 最近期推出的中低階手機,如果有 2GB RAM 同比現時多一倍的內置容量的話相信會熱賣呢。


對撼 LG ,華為入門級 P8 Lite 大鋪有減深水埗更平

除左 LG 之外其實華為的入門級新機都有減,呢部機係發佈時雖然比較低調,但係版主見過係網上其實都有不少人討論的。 P8 Lite 用左 5 吋 HD 芒,處理器就係華為自家 Hisilicon Kirin 620 八核 1.2GHz 配 2GB RAM 以及 16GB 內置容量,相機都有 1300 萬像素主鏡頭以及 500 萬像素前鏡頭的搭配。係賣價方面近日大鋪都少減左一百蚊,變成 $1780 ,不過係深水埗高登其實行貨價會更平,只需 $1588 。唔知大家又對呢一批減左價的入門新機感興趣還是對其他主打高性價比的千元機好像 m2 note 同近日大熱的紅米 Note 2 更有興趣呢?大家都來講講吧!

//timgm.eprice.com.hk/hk/mobile/img/2015-08/28/203107/lawrencelaw_3_4531_b0998242547660aefac4453829b2c00f.jpg
P8 Lite 推出時係網上都有人討論過呢部機的性價比,不知 $1599 呢個價錢又算不算吸引?

在文章發佈時, LG G4 Stylus 最新賣價為 $1998 ,按這裡有更詳細規格及最新賣價
在文章發佈時, LG G4 Beat 最新賣價為 $2198 ,按這裡有更詳細規格及最新賣價
在文章發佈時, LG G4c 最新賣價為 $1598 ,按這裡有更詳細規格及最新賣價
在文章發佈時,華為 P8 Lite 最新賣價為 $1599 ,按這裡有更詳細規格及最新賣價

最新新聞