機會來了? LG G4 行貨有減,場內價再平千一,衝唔衝好?

Lawrence 2015-09-04 19:28 | LG
雖然 LG 手機跌價快就人人都知,但原來唔經唔覺 LG 的頭牌旗艦 G4 都有好一段時間無減價了。(呢點對於近來入手的朋友來講相信條氣都會順啲)但係對於一眾期待 G4 再次有「跳樓價」的網友來講就真係有點辛苦囉!如果大家一心入手 G4 行機的話,呢排可能會係一個可以考慮的階段。唔知係呢個情況下大家又會入手行貨還是到左新低價的場內水貨呢?

//timgm.eprice.com.hk/hk/mobile/img/2015-09/04/203173/lawrencelaw_1_4531_8a8783c3a673c0fdcb12bb1d8387bdb9.jpg

LG G4 行貨細鋪再減,到左呢個價又叫唔叫有吸引力?

屈指一算,原來 G4 都有好一段時間係大鋪未有減價了,勉強來講對上一次都已經係 SunMobile 將 G4 同 G3 的機價減左,而 G4 係大鋪自從 7 月頭以來價錢就一直維持係 $4698 呢個水平。係 7 月時賣呢個價在性價比而言當然算係不錯啦,但係過左一排其他牌子好似 Samsung 同 HTC 唔少機都減左價了,但 G4 到而家都未有再減,自然予人的感覺就無咁抵了。

如果想入手細鋪行貨的話,近日係深水埗有細鋪就將 G4 再減價,落到 $4198 ,比起大鋪平多 $500 !雖然好多網友都好期待可以用三字頭的價錢入手到行貨 G4 ,但如果等唔切的話其實而家都算係一個入手的好機會啊!另外,應該仍然不少網友等緊大鋪減價,版主都試過收下風睇下幾時會減,但看來都未必可以係短時間內做到呢。

//timgm.eprice.com.hk/hk/mobile/img/2015-09/04/203173/lawrencelaw_3_4531_0b99330fe65f8fd4fadfc4c0db2f406f.jpg
▲ 係細鋪其實 G4 價錢一直都緩慢地減緊,但來到四千二樓下就係相當近期的事了。


場價最平三千頭,當中細節要留神 

提完行貨再講一下好多朋友都會留意的水貨 G4 。早排網上就有好多消息指出 G4 水貨價已經跌穿三千,仲平過 G3 的大鋪價!不過,到左而家版主都未係先達場內見過有跌穿三千的水貨 G4 ,頂多只係見到價錢大約三千蚊左右。係到就要提提想用最平的價錢買 G4 的朋友了,係入手前有個要點係留意返嘅,三千蚊左右的 G4 其實係不能支援中文,同時不能收到 LG 官方 Update 的(因為係美版),要繁體中文的話係要加一百蚊。另外,場內係有不少「港版水貨」,呢樣好大機會係後門貨來,價位大約係 $3580 左右,當然係沒有保養啦!所以想係細鋪入手原裝行貨 G4 的話,最好都係在入手前打去 LG 問下係咪受保,同埋機盒有無「 LG 香港行貨」貼紙。

最後,近日有不少消息指出 LG 有意推出大屏幕的 G Pro 4 同埋有 5.7 吋芒 64 GB 內置容量的 V10 。係呢個情況下大家仲會唔會等 G4 呢?留言講講啦!

//timgm.eprice.com.hk/hk/mobile/img/2015-09/04/203173/lawrencelaw_3_4531_0a8bd22adc5d03b243050bfc087388a2.jpg
▲ 水貨來講而家 G4 最平大約都要三千(再加多十令蚊),但係要留意當中細節了。

//timgm.eprice.com.hk/hk/mobile/img/2015-09/04/203173/lawrencelaw_3_4531_237d79483c1fdff007fa9861ec171266.jpg
▲ 除左 SunMobile 之外,其實係中移動都有簽約優惠價,但就未有跌穿四千。

在文章刊登時,LG G4 賣價為 $4698 ,按這裡有更詳細規格及賣價

最新新聞