首部 S810 旗艦 LG G Flex 2 大鋪最後清貨！兩千五蚊有交易
上星期先提到 G FLex 2 係蘇寧做緊信用卡減價優惠（雖然唔用信用卡都買到），但係價錢上其實都仍然要三字頭，係性價比方面都不算話高左好多。想不到只係過左一星期，另一間仍然有賣 G Flex 2 的百老匯就做最後清貨，而且價錢更加係一口氣減左唔少！回想起呢部年頭到港，以首部用上 S810 處理器同埋可修復背蓋作主打的旗艦，係剛到港時開賣價高達 $5698 ，可可惜呢部機係銷售方面反應實在麻麻。由年頭五千六蚊的定價跌到落而家只有 $2540 ，由 2 月中推出左而家不過係半年多，價錢卻足足跌左三千一，真係誇張⋯⋯
▲ 今次呢一減相信係最後一擊了（因為有部份鋪只剩陳列機）。
終於出現了，場內跌穿兩千大關！
提到 G Flex 2 ，另一個主要的討論點就係到底跌穿兩千會係幾時嘅事，之前版主都分享過好幾次，但場內 G Flex 2 水貨最平都要成 $2020 。今次大鋪最後清貨，先達場內細鋪都唔執輸，減多少少到 $1980 。終於都出現左兩千有找買到 S810 旗艦呢個奇觀了！不過要留意係呢款 G Flex 2 係未有支援中文同埋因為 sim lock 的關係而用不到香港 4G ，要用到以上兩者的水貨機就要 $2180 了。最後，要提提大家今次百老匯相信係最後的清貨了，以旺角為例全新的 G Flex 2 都差不多清得七七八八，大家要入手的話真係要快手啦！
▲ 看到 G Flex 2 水貨價仲平過 G3 同 LG G Pro 2 同價，此情此景實在有趣！
在文章發佈時， G Flex 2 最新賣價為 $2540 ，按此看詳細規格及最新賣價。