大鋪重新上架! LG G4 行貨價仲有平,你敢唔敢買?

Lawrence 2016-02-01 19:55 | LG
之前版主就同大家分享過, LG 官方承認自家旗艦 G4 硬件有問題,而期後更有大鋪將 G4 全面下架。係事發到而家已經過左幾日,版主再次到大鋪查問有關的詳情。想不到,聽到一個幾令人意外的消息,一齊來睇睇事情有甚麼新進展!  

//timgm.eprice.com.hk/hk/mobile/img/2016-02/01/204524/lawrencelaw_1_4531_99280cb74a7664e03e0ea336d3423a09.jpg

LG G4 衛訊重新上架!銷情相當慘淡

係 LG 官方承認硬件有問題之後,衛訊反應相當快速,翌日就已經將所有 LG G4 下架。但過左兩三日之後, LG G4 又再次係衛訊可以買到了!不過, G4 能夠重新上架卻不代表能刺激到「買氣」。可能因為死機問題令消費者人心惶惶,據聞今次 G4 重新上架之後,銷情明顯變差,而且查問的人都唔多。

但係,在版主查問期間,就聽到一個幾有趣的消息。話說版主從大鋪其中一個 LG 推銷員口中得知,今次 LG G4 在衛訊再上架,除左因為官方澄請現有批次的 G4 已經無問題之外,係本月更會有一個軟體更新,可以解決之前的問題。呢個消息的真唔真?版主目前都向 LG 官方查詢緊,未能證實當中真確性。大家暫時都係聽住先好了。

更新!LG 就版主上述查問作出了回覆,表示對於 LG G4 將在本月會有軟體更新一事,沒有評語。(no further comments)。同時,就 G4 硬件問題一事作出了正式的聲明(中文版),聲明如下:

LG電子一直高度關注近日發生的LG G4智能手機重新啟動情況,經調查後發現是有部份零件接觸不良所引致。假若用家在特約零售商及網絡供應商購買LG G4智能手機,LG電子香港將會在保養期內提供免費維修服務。LG電子向來致力為客戶提供最高水平的產品質素及客戶服務,對於為部份客戶帶來的不便,深感抱歉。

//timgm.eprice.com.hk/hk/mobile/img/2016-02/01/204524/lawrencelaw_3_4531_86c75f88e477dc23ab3f0af7db1cbdca.jpg
▲ 之前有網友搞笑咁講,衛訊會唔會係無貨賣唔到呢?但就版主所見,衛訊早前確係抽起唔賣,連 Display 都無埋。

//timgm.eprice.com.hk/hk/mobile/img/2016-02/01/204524/lawrencelaw_3_4531_4615767a95884c685c98ee8064894132.jpg
▲ G4 而家又有得賣,但價錢就未有變過。


細鋪行貨價對比大鋪仍然有平!先達水貨無再減

再講返價錢方面,版主留意到有好多網友係死機事件後就話,如果 G4 可以再平多一千,平平地入貨都無所謂。版主就留意過 G4 係大鋪/細鋪係價錢上有無咩變動。以停售過 G4 的衛訊來講,價錢都仍然係做緊「即減 $1200」,頂多會送多盒朱古力,而呢個價錢亦係現時其他大鋪以至電訊商的賣價。

不過,係細鋪方面, LG G4 行價都仲係有平嘅,版主留意到係深水埗有賣行貨的細鋪,價錢會比起大鋪平 $100 ,賣 $3380 左右。而係水貨方面,目前先達反而無點減價,最平大約都要 $2850 。版主都有問過不少細鋪店主,到底 G4 硬件問題有無影響銷情,佢哋都話,其實 G4 係 V10 推出左之後,已經無乜人買,所以呢排傳出死機問題對佢哋都無影響了。最後,版主又想問下大家,如果之後, G4 真係再有多次大劈價,你又會唔會入手呢?一齊留言講下意見啦!

//timgm.eprice.com.hk/hk/mobile/img/2016-02/01/204524/lawrencelaw_3_4531_508881ee14a7bd42f5f976cad78508d0.jpg
▲ V10 係行貨方面,細鋪可以比起大鋪平到 $100 左右。但不論水貨還是行貨,都未有令人期待的大跌價。

在文章發佈時 ,LG G4 賣價為 $3498,按這裡有更詳細規格與賣價

最新新聞