LG G5 Geekbench 3 成續曝光,硬件配置確認,效能更勝 S7 ?
比起 G4 提早左發佈的 LG G5 將會係 2 月 21 號登場,不過,跑分成績而家就已經係 Geekbench 3 的資料庫之中可以見到。外界一般相信,呢部型號名為「LG-F700S」的手機其實就係 LG G5 。有呢個睇法並唔係無原因的。首先,從 Geekbench 3 資料可以見到,呢部「LG-F700S」用上 4GB RAM ,現時 LG 只有 V10 係有呢個規格。另外,「LG-F700S」有 Android 6.0.1 , V10 都未有升級。再加上 Qualcomm ARMv8 @1.59GHz 4 Cores ,即係 Qualcomm 的 S820 處理器,能乎合呢個規格的 LG 手機現時真係得 G5 啦。再講下 Geekbench 3 的成績,可以見到呢部疑似 G5 的手機單核成績有 2248 分,而多核就有 5061 。而家再將呢個分數同兩星期前已經曝光的「疑似 Galaxy S7 成績」比一比。之前有傳 Galaxy S7 將會有兩個版本,第一個係據說為 ATnT 定制的 Qualcomm S820 版本,而另一個就係用上 Exynos 8890 Samsung 自家處理器版本。
將三者一拼比較的話,可以見到 LG G5 同 Qualcomm S820 版 Galaxy S7 相比,後者只有 4979 分,低過 G5。而單核方面就以 2282 分略勝一籌。但係將 LG G5 同 Exynos 8890 版本的 S7 相比,可以見到多核成績 G5 係差過 S7 的,只有在單核方面能取得甜頭,簡單來講 LG G5 同兩個版本的 S7 比拼後,算係互有輸贏。最後,其實呢啲未能 100% 確認的跑分成績大家不宜盡信。不過可以預期,新一代旗艦在效能上的差異會細好多, 15 年 Samsung 旗艦獨領風騷的情況,今年應該不會見到了。
▲以上為相信是 LG G5 在 Geekbench 3 的資料,可以見到 4GB RAM 已經成為旗艦標準啦!
▲ 呢個係疑似 Qualcomm S820 版本 Galaxy S7 在 Geekbench 3 的資料。
▲ 而呢個就係被指係 Exynos 8890 版本 Galaxy S7 在 Geekbench 3 的資料。
來源: Techrader 、napidroid 、gforgames