跌價又來了?LG / 三星 5.7 吋手機 劈價鬥抵玩?
|
LG
LG V20 開賣在即!跌價又來了,5.7 吋手機大減價?
LG 最出名的,一向都是手機的跌價速度,所以版主都忍唔住稱 LG 手機為「跌價王」。就好似今年四月上市的旗艦手機 G5,而家先過了五個月左右,大舖已經跌到四千有找的地步,細舖價當然會更低吧!版主行場時跟大舖店員傾開,店員猜測當今年的旗艦機出哂之後,G5 售價應該會再調整至少一次,網友又相唔相信呢?至於 LG 另一旗艦 V 系列,也許是離 V20 開賣日愈來愈近的關係,電訊數碼就將 V10 機價再減,最新淨機價為 $3398,相比 SUN Mobile 剛引入時售價相差 $1000。網友又覺得,$3398 買到一部 5.7 吋、有得換電、影相又唔差的 V10,算唔算抵玩呢?
▲ 大舖現時賣價依然是 $3698,不過 SUN Mobile 已經將 V10 淨機價減至 $3398。
5.7 吋大芒機,Samsung、LG 你點揀?
除了 LG V10 外,Samsung 手機亦有減價。戴定頭盔先,接着下來版主要說的「減價」,其實並不是甚麼新消息,已經過了一段時間,不過你可以當是 V10 以外 5.7 吋手機的另一選擇。提到 Samsung 5.7 吋手機,相信大家已經猜到,版主要說的就是 Galaxy C7。無論係 C5 還是 C7,一開賣的時候,大舖都做緊「即減 $200」的優惠,果陣已經覺得,減得果二百蚊實在是太少了,後來聽聞因為太好賣的關係,大舖仲要將個價加價,變成「即減 $100」,而且企硬了一段時間。不過,唔知係咪而家少左人買,所以大舖無辦法之下,都要將 C 系列個價變回「即減 $200」,返回原點。LG V10 同 Samsung Galaxy C7 兩部 5.7 吋手機,你喜歡哪一部多點呢?
▲ Samsung Galaxy C7 大舖回到了 $3198 的價位。
▲ 而 32GB 以及 64GB 的 C5,則分別為 $2498 以及 $2798。
LG V10 在文章發表時,大舖賣價為 $3698,按這裡有詳細規格及最新賣價。
Samsung Galaxy C5 (32GB) 在文章發表時,大舖賣價為 $2498,按這裡有詳細規格及最新賣價。
Samsung Galaxy C5 (64GB) 在文章發表時,大舖賣價為 $2798,按這裡有詳細規格及最新賣價。
Samsung Galaxy C7 在文章發表時,大舖賣價為 $3198,按這裡有詳細規格及最新賣價。