預設開啟 Game Battery Saver，香港版 V20 跑分搶先睇
早在 LG V20 未發表之前，版主 Keith 已經成功借得 V20 的水貨，進行簡單的上手評測。所以，有關 V20 的外型，版主今日就唔再多說，想睇下 V20 到底係點嘅樣，就可以睇番之前版主 Keith 的文章。不過，我反而有興趣想知道，明明 V20 係用上 Qualcomm S820 處理器，內置 4GB RAM 以及 64GB ROM，點解上次版主 Keith 試水貨 V20 的跑分，只得 116478 分咁低嘅？版主唔信邪，決定再試一試，香港版成績係唔係都一樣。
不過，LG V20 具備 2K 屏幕，但原來唔講唔知，V20 開機預設係開啟左「Game Battery Saver」功能，呢個功能的作用，就是在遊戲的時候，自動調節影像的質素，以減低耗電量。開左「Game Battery Saver」同關左，跑分會唔會有差別呢？即刻睇下結果。
▲ LG V20 預設開啟「Game Battery Saver」功能，呢個功能係會在遊戲時，自動證節影像的質素。
▲ 首先開啟了「Game Battery Saver」，安兔兔跑分結果為 112663 分 (左圖)，唔係卦，相比水貨版的 LG V20 還要低差不多四千分？而關上這個省電功能之後 (右圖)，可以見到跑分低左，只有 104189 分。要留意的是，從 3D 效能的分數顯示，如果關上了「Game Battery Saver」，無錯遊戲畫面會相當清晰，可以話係用盡佢個 2K 芒，但流暢度就相對地會下降。相反，如果開啟了，雖然影像質素可能會有下降，但卻因而讓 3D 遊戲運行得相對更順暢。
LG V20 相機比拼 iPhone 7！
以前 V10 就前置相機有雙鏡頭，今代的 V20 就將雙鏡頭搬到主鏡頭上，雙主鏡頭像素分別為 1600 萬以及 800 萬，能夠拍攝出標準 75 度以及 135 度的超廣角照片，當中的 135 度廣角鏡頭，擁有比一般智能手機相機寬 1.7 倍的視野角度，並設有 F1.9 光圈。至於前置相機方面，則具備 500 萬像素鏡頭，能夠拍攝 120 度廣角鏡頭以及 83 度標準自拍角度進行自拍。而前置鏡頭亦都具備自動拍攝功能，能夠自動偵測拍攝對象的笑容，啟動快門。
一直以來，版主都覺得 LG 手機影相其實質素唔差，好似 G4、G5 咁，我都好喜歡 (講緊嘅只係相機部份)。呢排版主用 iPhone 7 Plus 多左，唔知 V20 的影相質素，同 iPhone 7 Plus 相比，邊個好啲呢？即刻睇相啦！
左圖：LG V20 右圖：iPhone 7 Plus
▲ 網友覺得，LG V20 影相靚啲，抑或 iPhone 7 Plus 影相靚啲呢？
LG V20 在文章發表時，未在香港上市，大舖賣價為 $5398，按這裡有詳細規格及最新賣價。