四千七有找入手 LG V20!呢個價網友接受嗎?
根據 LG 官方資料顯示,V20 將於 2016 年 10 月 28 日正式在香港開賣,由今日起至 10 月 27 日預訂的話,會額外送 1 年原廠保養,建議零售價為 $5998。版主之前已經問過大舖職員,V20 一出會有「即減優惠」,第一浸並唔係減得好多,只係 $600,即係賣 $5398,減完依然無法吸引到網友們。不過如果有網友等唔切,想快啲有得玩 V20,又想唔好咁貴的話,唔知水貨你又會唔會考慮呢?版主剛才都去問過,LG V20 最新水貨價大約為 $4680 起,價格視乎顏色而定,粉紅色賣價 $4680,銀色賣價為 $4780,而灰黑色賣價則為 $4880,相比大舖價仲要平 $600 至 $900 左右,網友會唔會考慮呢?
▲ LG V20 水貨而家最平的係粉紅色,最新賣價約 $4680,至於銀色以及灰黑色的 V20,賣價分別為 $4780 以及 $4880,網友認為,呢個價值唔值得買番去玩下呢?
大舖太貴,又唔想買水貨?網絡商出機上台會唔會更抵?
LG V20 今日剛剛發表,3 香港就搶先推出 LG V20 預訂優惠以及出機上台計劃。咁所謂優先預訂優惠,其實並無特別優惠,只係同大舖一樣,可享額外 1 年原廠保養,在兩年內唔洗擔心任何問題如燒底板。而 3 香港亦有出機上台計劃,只要選用 $408 或以上的月費計劃 (2.5GB),就可以享有每月 $60 / $90 / $120 的回贈 (視乎所選計劃而定),仲會送原廠充電器以及 6 個月 KKBOX 音樂服務。例如,如果你選用 $408 月費計劃,扣除 $60 的回贈,實際即係每月月費只需 $348,並可以 $0 機價出機。連同每月 $18 行政費以及 $39 增值服務組合,簽約 24 個月,總支出為 $9720,扣除機價後,每月平均月費約 $180。網友覺得,呢個月費出機,網友覺得抵唔抵呢?
月費 | 機價 | 數據量 | 合約期 | 每月回贈 | 總支出 (連行政費 + 增值服務) | 扣除機價後平均月費 |
$298 | $1580 | 1GB | 24 | $20 | $9620 | ~$176 |
$298 | $0 | 1GB | 30 | $20 | $10050 | ~$155 |
$408 | $0 | 2.5GB | 24 | $60 | $9720 | ~$180 |
$498 | $0 | 6GB | 24 | $90 | $11160 | ~$240 |
$638 | $0 | 10GB | 24 | $120 | $13800 | ~$350 |