LG 手機加價!大舖店員爆出背後原因,就連版主都嚇親......
|
LG
LG 手機真係唔跌價唔正常,而最近就多次出現了呢啲唔正常的情況。記得上個月尾的時候,版主就話俾大家知,旗艦機種 V20 居然突然加價,由原來的 $5398,加價 $200 至 $5598。當時大舖店員就表示,因為貨源短缺的關係,只好暫時將 V20 價格調高,等啲人暫時消停一下,唔好對 V20 咁「熱心」。
LG V20 加價再加價,店員爆出背後原因,居然係......
殊不知,版主呢兩日行場時發現,LG V20 再次加價!天呀!LG 最近發生甚麼事,出機唔減價不特止,反而連加兩次,咁誇張?版主再次向店員查詢,一開始得出的答案都係一樣: 貨源不足。不過之前已經加價左一次,理論上應該會少人買左。點知店員下一句的回覆,令版主聽到都呆一呆,諗唔到可以講乜嘢好。店員表示,雖然之前已經加過一次價,但依然不減大眾對 V20 的支持,捱貴價都堅持要買。係嘅,LG 旗艦機皇就算賣到 $6000,都一樣無阻大眾的熱情 (好似係),可能過多一排,就連「即減優惠」都取消埋,回到原價吧!唔知網友又點睇呢?
▲ 一個星期左右,已經第二次加價,由「即減 $400」變成「即減 $300」,原因就係因為,加左價啲人都照捨得買,無辦法下唯有再加。可能過多一排就會原價賣!
▲ 雖然見到 SmarTone 仲係標住 $5398,不過店員都表示,暫時都未有貨,想買都無。
LG V20 在文章發表時,大舖賣價為 $5698,按這裡有詳細規格及最新賣價。