開賣不夠兩月，Sony XZ 大舖減價第四次！
老老實實，在這篇文章中除左會講 Sony XZ 有減價之外，就連 LG V20 都有減價，不過版主就會先由 Sony 說起。講到 Sony，版主真係想唔透到底發生甚麼事，明明 XZ 外型上看來靚靚仔仔，而且影相、拍片方面仲勁過 X Performance，但唔知點解始終吸引唔到網友，逼使佢哋在開賣兩個月都唔夠，就係咁跌價。第一次減價就係「一出即減」，即減 $300，賣 $5398，減下減下就跌落 $5198、$5098，到了今個月，最新賣價則改為 $4998，跌穿了五千關口。至於細舖方面，則跌到落 $4380，估計過多排就會稍微下調。呢個價網友點睇呢？
▲ 行場時發現，XZ 建議零售價似乎都下調至 $5398，所以雖然你見到是「即減 $400」，但實際上已比之前再平左。順帶提提大家，XZ 早前推出了蜜粉色，並已於各大零售商有售。
▲ 另外，而家買 XZ、X Performance、X Compact 或者 Z5 Premium，都可以獲贈旅行套裝。
不再是跌價王？LG V20 回到「正常價」！
今年出現令版主覺得最出奇的事，就係 LG 居然唔再係咁減價之餘，反而仲玩埋加價添，實在是令版主看不透。不過當時大舖職員的解釋就是 - 貨唔夠，但又太多人買，所以係「無辦法」的情況下，唯有將旗艦手機 V20 加價。截至昨日 (30/11) 為止，無論係豐澤、衛訊、百老匯，都仲係賣緊 $5598，不過一踏進 12 月，就見到 V20 的大舖價終於都跌番到「正常價」- 所謂「正常價」，並不代表真係好正常，只不過係話佢終於回到剛開賣時「一出即減」的價位，但事實上，細舖一早就已經落到 $5080，就快跌穿五千。Sony XZ 同 LG V20 兩部機比較，你又會喜歡邊部多點呢？留言講下啦！
▲ 可以見到 LG V20 終於變番「即減 $600」，即賣 $5398，係咪真係好似店員講咁好賣呢？網友又會唔會打算入手呢？
Sony Xperia XZ 在文章發表時，大舖賣價為 $4998，按這裡有詳細規格及最新賣價。
LG V20 在文章發表時，大舖賣價為 $5398，按這裡有詳細規格及最新賣價。