LG V20 大細舖賣價企硬唔減，最平賣價 $4880 無吸引力？
邊間網絡商瘋減咁多，版主先賣個關子，轉頭再講，先同大家講下，LG V20 現時的市場行情。V20 大舖在去年 12 月，終於由 $5698 回復至 $5398，但至今就依然企硬，死不肯減。不過，大舖唔肯減姐，但其實去細舖買，可以平多 $500。深水埗細舖現時最新的賣價為 $4880，其實呢個價都已經企硬了超過一個月，無乜太大特別。至於水貨方面，旺角先達水貨價大約平多八舊水左右，最新賣價約 $4050 (台水)，呢個價錢俾你揀，你會揀行貨定水貨呢？
▲ V20 大舖企硬 $5398，而一向出機便宜的 SUN Mobile，就算簽約最平都要 $4498。
出機靠朋友！V20 網絡商瘋減 $1700，突破心理關口？
不過，如果你覺得，幾平都好，始終都係買行貨好啲，其實都仲有一個入手方法，就係透過網絡商 CMHK 的網上商店，而家 V20 瘋劈 $1700，只需 $4280...... 不過係客戶簽約價！但係咁，其實又未必一定要你親自上台嘅，只要你身邊有朋友係用緊 CMHK，而且每個月月費有 $218 或以上，並且仲有 12 個月合約，你就可以搵佢幫手出機，咁你自己又唔使上台之餘，又可以用便宜價錢，入手 V20。唔知網友覺得，呢個價錢來說，是否能夠突破你的心理關口呢？
LG V20 在文章發表時，大舖賣價為 $5398，按這裡有詳細規格及最新賣價。