LG 旗艦清貨賣！門市抵過網店優惠價！
唔係 G5，唔係 V20，講緊嘅係 LG 上代旗艦，真真正正的「跌價王」- G4。你話，下，乜而家仲有賣架咩？係呀，版主我都估佢唔到，喺蘇寧網店果個「情人節 Best Pick」活動中，居然仲可以搵到大舖消失已久的 G4，所謂「驚喜價」$2498，相比建議零售價 $4498 平左 $2000。不過版主發現，車，蘇寧自己門市個價，居然仲抵過自己網店嘅「驚喜價」，平多一百蚊賣 $2398，問過唔係陳列機，而係 100% 全新，而且同樣有一年保養，就算有啲咩事上嚟，起碼在頭一年內有保障。呢個價錢，你會唔會考慮下買部做副機呢？
▲ 呢個已經係「驚喜價」喎......之不過，自己門市賣得仲平，咁仲邊有驚喜呢？不過喺度戴番頭盔先，並唔係間間蘇寧門市做緊呢個價，版主係喺尖沙咀某門市問到的！呢個價，網友會受？
怕 G4 會死底板？可能係 LG 最後一代可換電嘅 G 系手機，考唔考慮？
之前版主虎仔同大家分享過不少 LG G6 的傳聞，亦有不少諜照曝光。而傳聞指出，下一代的 G6 好大可能會取消可換電的設計，即係話而家嘅 G5，好大機會會係最後一代可換電嘅 G 系列手機，擔心 G4 嘅燒底板問題，又想要部有得換電嘅手機，G5 會係你嘅選擇嗎？目前 LG G5 的大舖賣價為 $3698，而深水埗細舖賣價都唔係平到幾多，大約為 $3580，暫時都仲係相比上代 G4 貴 $1300 左右。以呢個價位來說，網友會考慮 G4 還是 G5 呢？
▲ 大舖喺上個月減價至 $3698，而細舖則平多一百左右。
LG G4 在文章發表時，蘇寧最平賣價為 $2398，按這裡有詳細規格及最新賣價。
LG G5 在文章發表時，大舖賣價為 $3698，按這裡有詳細規格及最新賣價。