LG 可換電旗艦劈價 $2500!
講緊嘅係 LG V10,無錯呢部機已經係上代的產物,不過大舖暫時都仲見佢有賣。對上果次減價,係講緊上年 12 月,減到 $3498 其實都算係抵玩。時隔三個月,以為 $3498 已經係 V10 底價之際,大舖終於再有減價了,減多 $300,最新賣價為 $3198,相比剛發表時的建議零售價 $5698,劈左足足 $2500!不過咁,始終已經算係過氣旗艦,來到 2017,相信網友都未必會再入手 S808 手機,加上 V10 隨時會有死底板危機,再平,好多網友都堅決不考慮。▲ 來到今個星期,LG V10 終於都有再減價,最新大舖價係 $3198。至於細舖,則沒有因為大舖減價而跌價,繼續賣緊 $3198。
怕 V10 死底板,三星手機又會否考慮呢?
如果怕 V10 死底板,在差不多價位的手機來說,三星手機你又會唔會考慮呢?講性價比有 Galaxy C 系列,配備 S625 超慳電 U 的 C7,大舖賣緊 $2998,而細舖最新賣價則為 $2698。如果嫌 C7 舊,可以諗下最新的 C7 Pro,同 C7 相比屬小改之作,用上新一代 S626 U,但就貴多幾舊,大舖賣價為 $3398,而細舖賣價則為 $2898。呢幾部手機之中,網友又覺得邊部值得買呢?▲ Samsung Galaxy C7 Pro 在大舖賣緊 $3398,一蚊都無減過,不過細舖一早已經減到 $2898。至於上代 C7,細舖則賣 $2698。
ePrice.HK 比拼系統鬥抵玩,比較 LG V10 / 三星 C7 / C7 Pro
▲ 按上圖或按這裡,比較 LG V10、三星 C7、C7 Pro 的分別。
LG V10 在文章發表時,大舖賣價為 $3198,按這裡有詳細規格及最新賣價。
Samsung Galaxy C7 在文章發表時,大舖賣價為 $2998,按這裡有詳細規格及最新賣價。
Samsung Galaxy C7 Pro 在文章發表時,大舖賣價為 $3398,按這裡有詳細規格及最新賣價。