即爆 LG G6 香港賣價!呢個價錢,網友覺得貴唔貴?

左定坤 (Cho Ting Kwan) 2017-03-24 22:12 | LG
上半年的旗艦手機,已經開始陸續在香港現身。先有 Sony Xperia XZs,而下星期就有華為 P10 / P10 Plus、LG G6 香港發佈會,見到又有咁多新機可以玩,雖然驚喜不多,但版主仍然是覺得好興奮。呢兩部機當中,版主已經上手試玩過水貨的 G6,外型相比以前有好大的進步,拎上手感覺應該都算是討人歡喜,但始終網友最關心的,是呢部 LG G6 的賣價。拿,版主知道價錢,一定會先益 ePrice 網友,今次又黎爆俾大家知喇! 呢個價,網友點睇呢?

G6(Facebook).jpg

先入正題,爆俾大家知 LG G6 的建議零售價是多少先! 根據版主收到的情報,LG G6 的建議零售價為 $5998,將於 3 月 31 日開始接受預訂,4 月 12 日正式開賣。成六千蚊嘅價錢買 LG 手機,網友覺得又制唔制得過呢? 不過咁,LG 旗艦手機,識睇一定睇一出即減幾多,真係相信好少網友會唔等減價直接買機,除非真係 LG 忠實粉絲吧? 一出即減幾多,暫時未有消息住,有消息版主再同大家講!

必睇!LG G6 抵港!試相機 + 跑分 版主開箱 比拼 iPhone 7+!

講番 LG G6 的規格配置,G6 用上了 5.7 吋 18:9 顯示屏,相比上代 G5 大,但屏佔比高的緣故,並不會覺得特別大部。G6 配備了 Qualcomm Snapdragon 821 處理器,內置 4GB RAM 以及 64GB ROM,最多支持 256GB microSD 擴充。相機用上 1300 萬像素雙主鏡頭,前置鏡頭有 500 萬像素,並支持廣角拍攝以及 360 相片功能。電池方面有 3300mAh,不過就無得換電,會運行 Android 7.0 作業系統。你,喜歡這部機嗎?

必睇!LG G6 抵港!試相機 + 跑分 版主開箱 比拼 iPhone 7+!

按這裡可以睇番版主之前上手文章

LG G6 在文章發表時,香港上市日期未定,按這裡有詳細規格及最新賣價

最新新聞