主題:「跌價王」復出!LG 旗艦賤價賣,減價窮追 Sony 手機?

ePrice HK
  • 發表時間:2017-04-13 21:00 收錄檢舉
    經歷過 G4 事件之後,每次版主一提到 LG,網友們都會第一時間諗到「死底板」。是 S808 問題,還是 G4 設計問題,各有各說法。總之,就算家陣 LG 出到 G6、V20,明明無事都係咁俾網友講到會有事,真係躺着也中槍,加上 LG 旗艦不嬲跌價跌得快,所以好多人都會等佢跌到賤價先考慮入手。最近再有 LG 旗艦手機,跌到一個好平價位,網友又係咪時候入手呢?講緊邊部,睇下文啦!

    「跌價王」復出!LG 旗艦賤價賣,減價窮追 Sony 手機?
     

    「跌價王」復出!LG V10 再現新低價,入手是時候了嗎?

    講緊嘅係 LG V10,上個月先由 $3498 減到 $3198,一個月後的今日又再有減,昔日的「跌價王」似乎要回歸了,一減跌穿三千價位,最新賣價為 $2998,呢個價錢唔知跌穿了網友心理關口未呢?不過,好多 LG haters 會話,V10 咪又係好易死底板~咁其實如果以平價旗艦手機來說,Sony Xperia X Performance 都一樣係賣緊 $2998,仲要用 S820 處理器,又似乎比 LG V10 值得入手喎,但缺點係電細、食電,又無得換電。兩部機當中,你又會揀 Sony Xperia X Performance,還是 LG V10 呢?

    「跌價王」復出!LG 旗艦賤價賣,減價窮追 Sony 手機?
    ▲ V10 最近再有減價,最新賣價為 $2998。

    「跌價王」復出!LG 旗艦賤價賣,減價窮追 Sony 手機?
    ▲ 雖然 V10 係減左價,不過如果同價位來說,Sony Xperia X Performance 有 S820 處理器,又會唔會更值得入手呢?

    LG V10 在文章發表時,大舖賣價為 $2998,按這裡有詳細規格及最新賣價
    Sony Xperia X Performance 在文章發表時,大舖賣價為 $2998,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁