LG 新機上場!配 4500mAh 核電 + 有 NFC,$1700 有找!
今次想介紹的 LG 新機是 K10 Power,呢部機其實尋日先正式開賣,建議零售價 $1898,大舖仲有得即減 $200,最新賣價 $1698,換取一部有四千五電有 NFC 的手機,版主個人覺得並不貴。不過開得咁嘅價錢,除左大電,其他規格唔會好得去邊,用 MTK MT6750 1.5GHz 八核心處理器,內置 2GB RAM + 16GB ROM,配備 13MP / 5MP 前後相機模組,運行 Android 7.0 作業系統,呢部機網友又會唔會考慮呢?▲ 呢部 K10 Power 係尋日先正式上架,一出即減 $200 賣 $1698,抵唔抵玩呢?
千元巨電王大比拼!揀 LG 定大陸機?
雖然 LG K10 Power 規格配置比較低階,但呢部手機最大的賣點係有 4500mAh 核電,加埋用 Android 7.0 本身都慳電,在續航能力方面真係唔使懷疑。要數市面上有乜千元機,又有大電可以夠 LG 揪,版主諗到的只是一堆大陸機,性價比最屈機之選應該係紅米 Note 4X,$1399 已經有 4GB / 64GB 仲要用 S625 慳電 U,電池容量有 4100mAh,各方面都好令人滿意,但無 NFC,無得用 Android Pay / 八達通 App,你又會唔會揀呢?撇除小米,Lenovo K6 Note 以及 Phab 2 Plus 都可以係一個選擇,前者賣 $1799 有 S430 + 4GB / 32GB + 4000mAh 電,後者賣 $1899 用 MTK U 有 3GB / 32GB + 4050mAh 電,仲要係 6.4 吋大芒,兩部機都係無 NFC,你又認為無 NFC 呢點會唔會成為輸給 LG 的致命傷呢?▲ 目前講性價比,應該無邊部夠呢部紅米 Note 4X 鬥,$1399 有 S625 + 4GB RAM + 64GB ROM,仲要 4100mAh 大電,呢部真係屈哂機。
▲ Lenovo Phab 2 Plus 賣 $1899,有 6.4 吋芒 + 4050mAh 電,其實已經算係幾吸引,你又點睇呢?
▲ 按上圖或按這裡,比拼一下以上提及到的四部手機,睇下有無邊部巨電手機你會選擇。
LG K10 Power 在文章發表時,大舖賣價為 $1698,按這裡有詳細規格及最新賣價。
Lenovo K6 Note 在文章發表時,大舖賣價為 $1798,按這裡有詳細規格及最新賣價。
Lenovo Phab 2 Plus 在文章發表時,大舖賣價為 $1899,按這裡有詳細規格及最新賣價。
紅米 Note 4X (3GB / 32GB) 在文章發表時,賣價為 $1099,按這裡有詳細規格及最新賣價。