後日殺到!有 128GB!搶先爆 LG G6+ 賣價、上市資訊、即減優惠
|
LG
版主收到風,LG G6+ 將會在後日 (即 6 月 30 日) 正式開賣,建議零售價為 $5698 (不過豐澤就話 $5398,但唔理點都好,最後個價都係一樣,繼續睇落去),相比 G6 貴 $300,都是版主預計之內的價錢。不過,建議零售價係點,已經不再重要,最重要係大舖會賣幾錢。根據大舖職員透露,G6+ 一出會「即減 $700」,即係賣 $4998,同而家 G6 大舖價相差 $300。而除左跟機會有 B&O Play 耳機外,衛訊仲會有保護套、保護貼、32GB microSD 卡以及 Type-C 線送。不過,版主都好好奇,G6+ 的出現會唔會令現有 G6 減價呢?問過大舖店員,表示目前未有 G6 減價的消息,如果有減價的消息,版主到時會再話俾大家知。
如果想了解 G6+ 同 G6 有甚麼不同,可以按這裡參考 ePrice.HK 之前的文章
LG G6+ 在文章發表時,將於 6 月 30 日上市,大舖賣價為 $4998,按這裡有詳細規格及最新賣價。