LG 旗艦大舖清貨價，夠唔夠吸引力呢？
雖然說 Sony、LG、HTC 旗艦，不過今次要說的減價手機只有一部，就是 LG G5。早排同大家講過，G5 系列終於跌到二字頭，但果陣版主講的是中階規格的 G5 SE，在中原居然仲有貨，最新賣價為 $2820。殊不知講完無耐，版主再發現原來其 S820 旗艦 G5，亦都同期跌到二字頭，現時大舖賣價為 $2998。呢個價錢，有 S820 手機之餘，仲少有地有得換電，你又會唔會考慮呢？
Sony / HTC / LG， 平價大戰三星？
相比 Sony、HTC，LG G5 跌到呢個價錢，也許還是未夠吸引力。首先要睇嘅是 Sony Xperia XZ，今個月都跌到落 $2998，雖然同 G5 同價，但 Sony 同 LG，如果同一個價錢來說，相信大部份網友都會考慮 Sony 多於 LG，至少不用整天提心吊膽，手機會出現死底板的問題。至於性價比高的 S820 手機，應該非 HTC 10 莫屬，衛訊東亞信用咭賣 $2698，相比 Sony、LG 的 S820 手機還要便宜，你又覺得呢三部手機的賣價，能唔能夠成功從三星手中，搶走部份客走呢？
以下為 LG G5、Sony Xperia XZ、HTC 10 以及 Samsung S7 Edge 的手機比拼:
▲ 按上圖或按這裡，可看 LG、Sony、HTC、Samsung S820 手機的比較。
三星 Galaxy S7 Edge (32GB) 在文章發表時，大舖賣價為 $4098，按這裡有詳細規格及最新賣價。
LG G5 在文章發表時，大舖賣價為 $2998，按這裡有詳細規格及最新賣價。
Sony Xperia XZ 在文章發表時，大舖賣價為 $2998，按這裡有詳細規格及最新賣價。
HTC 10 在文章發表時，大舖賣價為 $2698，按這裡有詳細規格及最新賣價。