跌價又來了!LG G6 系列大舖有新低價,跌穿四千關口未?
|
LG
以 LG 旗艦手機來說,其實 G6 系列的賣價,算是比以前企硬左好多。就好似標準版 G6 咁,自從 6 月初減價至 $4698 之後,大舖價一直都企硬,即使後期推出了 128GB 版本的 G6+,但都沒有對 G6 的賣價造成任何的影響。而 128GB 的 G6+ 雖然一出係減左 $700 賣 $4998,不過之後就一蚊都無減,好老實而家個個都玩 S835 手機,仲駛乜用近五千嘅價錢,去買部 S821 手機返黎呢?
可能終於發現,呢個價錢唔再能夠吸引到網友入手,今日起大舖將 LG G6 系列減價,減價幅度唔算十分多,只係減 $300,G6 最新賣價為 $4398,而 G6+ 最新賣價則為 $4698,暫時都未跌穿四千關口,仲差四百蚊左右。不過,跌到呢個價位,網友會唔會考慮一下入手?
LG G6 在文章發表時,大舖賣價為 $4398,按這裡有詳細規格及最新賣價。
LG G6+ 在文章發表時,大舖賣價為 $4698,按這裡有詳細規格及最新賣價。