放大版 G6?LG V30 實機圖賞
雖然說 LG V30 同 V20 有很大的不同之處,但實際上其實可以說它是放大版的 G6,在整體的設計上,V30 跟 G6 有起碼八九成相似。V30 配備了 6 吋 OLED 屏幕,用上這種 OLED 技術,能夠讓對比度更高,而且顏色方面更豐富。機身厚度只有 7.3mm,而重量為 158g,以一部 6 吋手機來說,V30 都可以說得上是輕薄。唔知係咪因為 LG 發現副屏幕實際用途有限,今代的 V30 將這個 V 系列原有的賣點取消了,改以 Floating Bar 取代,其實某程度上都好嘅,有副屏幕又會變得食電左,想慳電的話啲網友都係會索性關掉副屏幕,變相副屏幕功能就變左有等於無。▲ LG V30 配備了 6 吋 OLED Full Vision 屏幕,屏幕比例為 18:9,就咁睇既似放大版的 G6,但有些角度又像三星 S8。
▲ 屏幕同樣支持 Always On Display 功能。
▲ 自拍鏡頭繼續是 500 萬像素,同樣能夠做到廣角拍攝的功能。
▲ 而 V30 的機背同樣用上金屬材質,閃光燈放置在相機的右邊,而不是像 G6 般,放在兩個鏡頭的中間。
▲ 兩個鏡頭分別為 1600 萬像素以及 1300 萬像素,前者光圈值達到 F1.6,而後者則有 F2.2 光圈,可拍攝高達 120 度的廣角相片。另外,在相機的下方會見到有指紋辨識鍵。
▲ 音量鍵設在機身的左側。
▲ 機底會有 USB Type-C 充電插槽。
▲ 旗艦手機當中,最唔少得的功能,當然是 IP68 防塵防水,在 V30 上一樣有。
▲ V30 保留了 V 系列原有的 Hi-Fi Quad DAC 功能。
Floating Bar 取代副屏幕,其實係咪好事?
今代 LG V30 將會以 Floating Bar 來取代副屏幕,當你在設定中開啟了 Floating Bar 的功能,在屏幕的左方或者右方就會加入了一個「箭咀」符號 (左右位置可隨意調較),當你按下「箭咀」符號,就會出現 Floating Bar,能夠快速啟動應用程式、開啟聯絡人以及音樂播放等等,但就沒有了好像 V20 的簽名、近期的活動 (Upcoming Plans) 等功能。你可能會問,如果打機睇片果陣,個箭咀符號會唔會好阻掟呢?呢點你又可以放心,當你玩緊遊戲、用緊相機、睇緊片的時候,這個 Floating Bar 功能會自動消失。如果你問版主,我覺得無左副屏幕係咪仲好呢?我會覺得係,因為正如我之前所說,其實副屏幕的實用性有限,版主身邊有不少朋友,最後都索性停用了這項功能,反而副屏幕真係要做到實用,大家可以參考一下版主之前寫過關於魅族 PRO 7 的評測,我會認為如果做到好似 PRO 7 咁,就能夠真正發揮到副屏幕的作用。你又是否認同呢?
▲ 在設定中可以自行開啟或者關閉 Floating Bar,你亦可以自訂 Floating Bar 的功能,例如可以加入應用程式、聯絡人捷徑,同時亦可以有屏幕截圖、音樂播放器等功能。
▲ 如上圖般,你會見到左邊會有個箭咀,你可以隨意打開 / 收合 Floating Bar,在遊戲、睇片的情況下,它會自動消失。
來源:Android Authority
【IFA 2017】LG V30 / V30+ 發表、評測相關文章
超越三星 Note8,F1.6 光圈相機 + Hi-Fi DAC!LG S835 旗艦 V30 發表Floating Bar 取代副屏幕,係咪真係好?六吋大芒旗艦 LG V30 上手評測
呢個賣點你未必知!LG V30 支援 Log,拍出荷里活級電影
LG V30 在文章發表時,香港上市日期未定,按這裡有詳細規格及最新賣價。