呢個賣點你未必知!LG V30 支援 Log,拍出荷里活級電影

左定坤 (Cho Ting Kwan) 2017-08-31 18:47 | LG
網友覺得,怎樣才稱得上是一部好手機?部部旗艦都話 S835 U,都話配備雙鏡頭,想有突破,其實真係好難,玩的都是數字遊戲。即係點?4GB RAM 明明都夠用,但好多廠商就硬要加到 6GB RAM,甚至 8GB RAM,然後網友就會覺得,嘩好很勁喎,但有沒有想過,自己根本就連一半都未必用得盡?版主而家覺得,撇除外觀上不說,今時今日手機的實用性才是最重要,就好似對於鍾意拍片的人來說,版主睇番今次 LG V30 原來有個超屈機的賣點 - 支援 LG-Cine Log 技術,有佢的話,你都可以輕鬆成為電影人,拍出荷里活級電影!睇下文啦!

V30(Facebook).jpg

原本睇 LG V30 發佈會直播時,版主並沒有覺得呢部旗艦有甚麼特別,最吸引到我的,是配備比三星 Note8 還要大 F1.6 光圈的主鏡頭。但殊不知收到新聞稿,再睇清楚啲呢部 V30 是何方神聖,突然發現...... 咦!原來 LG V30 居然支援 LG-Cine Log 技術。支援 LG-Cine Log 技術又如何呀?一般網友未必會知,但對於影片製作人來說,就無理由唔知,就等版主解釋俾大家知,LG -Cine Log 到底係甚麼。

lg-v30-first-look-and-tour-980x619.jpg

甚麼是 Log?

Log 技術是什麼,對於專業拍攝人員來說,用 Log 即是用對數咖瑪曲線來錄製影片。由於 LOG 的色彩空間很大,因此影片的動態範圍就能夠更寬廣,影像細節亦能夠更準確。而市面上大部份的專業攝影機都開始使用 Log 模式拍攝,但單反就未有支持 Log 模式。所以說,LG V30 今次能夠支持 Log,其實在影片拍攝技術層面上已經超越單反相機。

用 Log 拍攝出來的影片,到底有甚麼特別呢?由於具有「全動態範圍」記錄的特點,所以拍完出來你會發現,影片顏色看上去會很灰的樣子,但亮部同陰影的細節,就相當豐富。如果想將影片製作成好似荷里活級數的影片,就要在灰畫面上調色。你會話,一般用家又唔係專業製作人,點會識得調色先得㗎?這不成問題,因為 LG 表示 V30 內置 15 種 Filter,就算你不懂得調色,你都可以套用濾鏡,製作出有特別風格的專業級影片。

0DdHOpoj8p.jpg

0DdHOp3ikW.jpg
▲ 下圖為 Log 的影像,會見到顏色會比較灰,但亮部及陰影層次都顯露得很清楚。

當然,以上所說的,只是理論層面上的解說,LG V30 今次支持 LG-Cine Log 技術,是否真的做到正常 Log 真正做到的效果,就要等版主遲下有實機在手,再能試給大家看。

【IFA 2017】LG V30 / V30+ 發表、評測相關文章

超越三星 Note8,F1.6 光圈相機 + Hi-Fi DAC!LG S835 旗艦 V30 發表
Floating Bar 取代副屏幕,係咪真係好?六吋大芒旗艦 LG V30 上手評測
呢個賣點你未必知!LG V30 支援 Log,拍出荷里活級電影

LG V30 在文章發表時,香港上市日期未定,按這裡有詳細規格及最新賣價

最新新聞