撞正 iPhone 8 / 8 Plus 開賣日，LG V30 水貨今日終於抵達旺角先達，有銀、藍、黑三種顏色，第一水賣價為 $6880，算是比想像中合理的價錢。呢個價錢，網友覺得貴唔貴呢？當然，行貨都仲未賣，水貨一開波要抬高個價係好平常的事，如果遲下等到香港行貨開賣的話，相信到時水貨價應該就會插水。
V30 是 LG 首部配備 S835 處理器的旗艦手機，用上了 6 吋 OLED 2K 芒，屏幕比例為 18:9。V30 沒有了以往 V 系列的雙屏幕設計，以 Floating Bar 的形式取替，內置 4GB RAM 以及 64GB ROM，並支持最高 2TB microSD 擴充。另外，V30 具有 3300mAh 電池，支持 QC 3.0 快速充電，用上 32-bit Hi-Fi Quad DAC 晶片，還新增了「數碼濾波」以及四個音效設定。
相機部份，V30 用上了 16MP + 13MP 雙鏡頭設計，其中一個鏡頭破天荒具有 F1.6 大光圈，比起三星所用鏡頭的光圈還要大，支持三軸 OIS 光學防震，並支持 Log 專業級拍攝模式。還有的是，V30 具備 IP68 防塵防水功能。呢部 LG 新機，不知網友有沒有興趣？幾多錢左右你哋會考慮入手？留言討論下啦！
LG V30 在文章發表時，香港上市日期未定，按這裡有詳細規格及最新賣價。
鳴謝及查詢：三禾電氣23740618 （旺角） 23740718 （銅鑼灣）