主題:韓廠大對決!F1.6 相機挑三星 Note8,LG V30+ 上手評測

ePrice HK
  • 發表時間:2017-10-26 19:54 收錄檢舉
    真的如版主所料,LG 今次沒有 V30,只推出大容量的 V30+。其實都預計得到,假設真的有 V30 此機,但跟 V30+ 只相差幾百,相信真的要買的網友,大部份還是會考慮 128GB 版本。有人說 $5998 太貴,無興趣,但過多幾個月減多二千,網友還是會即刻狗衝,到時邊個夠好平?真係好難找到。版主今日就向 LG 借得了 V30+,立即試玩評測一下。看下文吧!

    韓廠大對決!F1.6 相機挑三星 Note8,LG V30+ 上手評測
     

    超輕身!手感正!但......容易黐手指膜!

    V30+,我會認為應該算是 LG 近年設計最靚的一款旗艦手機,從這點來看,算是好事;但如果問心講句,我會覺得沒有了 LG 自己的特色,特別是正面部份,以前 V20 都話有副屏幕,叫做可以認得出佢係 LG 旗艦,但而家...... 並沒有針對 LG 的意思,只是覺得今年大部份廠商的手機,正面都是同三星 S8 差不多樣,如果 LG 有返一點自己專屬的設計特色,應該能夠增加 V30+ 的吸引力。

    比較容易分辨出 V30+,是它的機背部份,中間橫向的雙鏡頭,配以圓形後置指紋辨識,加上其引以為傲 B&O 的標誌,還有玻璃材質的機背加持,重量僅有 158g,讓 V30+ 成為現時最輕的 6 吋手機之一。

    韓廠大對決!F1.6 相機挑三星 Note8,LG V30+ 上手評測
    ▲ LG V30+ 採用了 6 吋 OLED 顯示屏,屏幕比例為 18:9,解像度為 2880 x 1440。

    韓廠大對決!F1.6 相機挑三星 Note8,LG V30+ 上手評測
    ▲ V30+ 用上了高屏佔比設計,不過個人感覺左右兩邊邊框還是有點兒粗。

    韓廠大對決!F1.6 相機挑三星 Note8,LG V30+ 上手評測
    ▲ 版主收到部 V30+ 果陣,已經沒有 App Drawer。不過,可以在設定內呼叫返佢出黎。

    韓廠大對決!F1.6 相機挑三星 Note8,LG V30+ 上手評測
    ▲ 機背用上了玻璃材質,係靚嘅,但相比上代 V20,更容易黐手指膜。

    韓廠大對決!F1.6 相機挑三星 Note8,LG V30+ 上手評測
    ▲ 具有 16MP 標準 + 13MP 廣角橫向雙鏡頭,鏡頭側面會有閃光燈,而下方則有圓形的指紋辨識鍵。另外,在指紋辨識鍵的下方,亦可以見到 B&O 的 Logo。

    韓廠大對決!F1.6 相機挑三星 Note8,LG V30+ 上手評測
    ▲ 右側是 SIM / microSD 插槽。

    韓廠大對決!F1.6 相機挑三星 Note8,LG V30+ 上手評測
    ▲ 左邊則是音量鍵。

    韓廠大對決!F1.6 相機挑三星 Note8,LG V30+ 上手評測
    ▲ 喜見上方保留 3.5mm 耳機孔。

    韓廠大對決!F1.6 相機挑三星 Note8,LG V30+ 上手評測
    ▲ 而底部則為 USB Type-C 插槽以及喇叭部份。

    韓廠大對決!F1.6 相機挑三星 Note8,LG V30+ 上手評測

    韓廠大對決!F1.6 相機挑三星 Note8,LG V30+ 上手評測
    ▲ LG V30+ 雖然有 6 吋屏幕,但重量僅有 158g,相當輕巧。對於手細的版主來說,雖然單手操作都係唔方便,但手感相當不錯。
     

    S835 + 4GB / 128GB,LG V30+ 3D 跑分不如預期

    循例都要 Download 返個安兔兔落黎,為呢部 V30+ 跑下分。不過在跑分之前,先講少少嘢,就係版主在下載安兔兔跑分的過程中,會發現下載時間雖短,但下載完之後機身已有少少熱,可能因為用上玻璃機背,令機身容易升溫,天氣漸涼,跑個分暖下對手,應該都不錯XD

    LG V30+ 配備了 Qualcomm S835 處理器,內置 4GB RAM 以及 128GB ROM,安兔兔得分結果為 157105 分,其實比一般 S835 旗艦成績較低,尤其是在 3D 效能部份,只有 57754 分,成績並不算十分高 (版主試過咁多部 S835 旗艦手機,大部份 3D 效能成績都有差不多 7 萬左右)。

    韓廠大對決!F1.6 相機挑三星 Note8,LG V30+ 上手評測
     

    取消了副屏幕,以 Floating Bar 取替,係咪真方便?

    雖然舊代 LG V20 有副屏幕,但其實版主認為,根本發揮不到副屏幕真正的作用,更重要的是,開啟了副屏幕會令續航能力縮短,所以 LG 今次在 V30+ 取消副屏幕設計,個人並不覺得有甚麼可惜。不過,V30+ 今次加入了 Floating Bar 用來取替副屏幕,又是否真係方便呢?好老實,我會覺得 Floating Bar 功能並不是如想像中實用,感覺是為做而做,格硬加入一些「Gimmick」落去。真係方便?我又唔太覺。

    韓廠大對決!F1.6 相機挑三星 Note8,LG V30+ 上手評測
    ▲ Floating Bar 功能收埋在設定中的「一般」,按進去可以自行設定捷徑、擷圖、音樂播放器以及快速聯絡人等功能。開啟了之後,你會見到在屏幕邊緣位置會有個箭咀,按進去就會出現「快速鍵」。但,我會覺得同 S8 / S8+ / Note8 的「側屏幕」功能一樣,理論上好,實際上實用性並不太大。你覺得呢?
     

    F1.6 廣角相機才是最大賣點?韓廠大比拼,影相挑機三星 Note8

    LG V30+ 的機背配備了雙主鏡頭,標準鏡頭有 1600 萬像素,光圈值為 F1.6,並支持 71 度視角;而另一個鏡頭則為廣角用途,有 1300 萬像素 + F1.9 光圈,並可拍攝 120 度的廣角照片。LG 表示,其 F1.6 特大光圈,能夠提升相機的進光量,在低光環境下拍攝,能夠有更好的效果,配合於智能手機首創的 Crystal Clear Lens 玻璃鏡片鏡頭,可以令到相片色彩還原度更高。

    韓廠大對決!F1.6 相機挑三星 Note8,LG V30+ 上手評測
    ▲ LG V30+ 內置以上咁多模式,不過比較要特別留意的,是 Manual 手動模式部份。

    韓廠大對決!F1.6 相機挑三星 Note8,LG V30+ 上手評測
    ▲ 在 Manual 手動模式內,暗藏着一個 LG 全新功能 Graphy,呢個功能有甚麼作用呢?原來 Graphy 網站及應用程式,提供左一系列由專業攝影師拍攝的相片連設定參數作參考,你可以將人哋攝影師用的參數,套用落你將要拍攝的相片上。例如我而家坐在 Cafe 內,你可以在 Graphy 內揀返類似的相片,得出上圖黃黃地果種效果。又例如當你影夜景果陣,你可以在 Graphy 內搵返類似的夜景相片,咁就可以毋需手動調校快門速度同 ISO,但都可以拍到堪比專業的相片。

    不過,其實一般用家平時影相,可能直澄唔會用到手動模式,甚至可能本身根本就唔識 set ISO、快門果啲,通常就只係會直接用 Auto Mode 拍攝。所以,Auto Mode 影得好唔好,其實比起咁多專業級功能更重要。以下版主就拿來同樣韓國品牌的三星 Galaxy Note8 作個比拼,比較一下兩部手機拍出來,哪一部較好。

    【左:LG V30+;右:三星 Galaxy Note8】
    韓廠大對決!F1.6 相機挑三星 Note8,LG V30+ 上手評測  韓廠大對決!F1.6 相機挑三星 Note8,LG V30+ 上手評測
    ▲ 先用正常模式拍攝,稍後再試 V30+ 的廣角鏡頭。可以留意到,在正常模式下拍攝,三星 Galaxy Note8 可拍出相對更大角度的相片。

    韓廠大對決!F1.6 相機挑三星 Note8,LG V30+ 上手評測  韓廠大對決!F1.6 相機挑三星 Note8,LG V30+ 上手評測
    ▲ 放大來看,始終都係三星 Galaxy Note8 細緻度高啲,Zoom 大啲字係清楚好多。

    韓廠大對決!F1.6 相機挑三星 Note8,LG V30+ 上手評測  韓廠大對決!F1.6 相機挑三星 Note8,LG V30+ 上手評測
    ▲ 另外,可以看到 LG V30+ 拍出來的景深效果相比 Note8 (在沒有開啟「實時虛化預覽」的情況下)更深。

    韓廠大對決!F1.6 相機挑三星 Note8,LG V30+ 上手評測  韓廠大對決!F1.6 相機挑三星 Note8,LG V30+ 上手評測
    ▲ 不過,LG V30+ 拍出來的照片,相比 Note8 有少許偏黃。

    韓廠大對決!F1.6 相機挑三星 Note8,LG V30+ 上手評測  韓廠大對決!F1.6 相機挑三星 Note8,LG V30+ 上手評測
    ▲ 整體放大黎睇,Note8 成像會實在一點,沒有 LG V30+ 有種「鬆」的感覺。

    韓廠大對決!F1.6 相機挑三星 Note8,LG V30+ 上手評測
    ▲ 雖然 LG V30+ 在相片成像質素方面,可能會稍比三星 Note8 遜色,但它不得不說是一部玩味手機,其 120 度廣角鏡頭,能夠將更多的景物攝進鏡頭內。

    韓廠大對決!F1.6 相機挑三星 Note8,LG V30+ 上手評測
    ▲ 俾多一張 V30+ 廣角相片給大家看看。
     

    專業級拍片人必備!支持 LG-Cine Log 格式

    Cine-Log 模式收埋左喺 Manual 手動攝錄模式入面。進入「手動攝錄模式」,在設定裡可以見到「Save as LG-Cine Log」(儲存為 LG-Cine Log)。Save 做 Log 格式有甚麼作用呢?根據版主之前曾經的介紹,由於 LOG 的色彩空間很大,因此影片的動態範圍就能夠更寬廣,影像細節亦能夠更準確。而用 Log 拍攝出來的影片,由於具有「全動態範圍」記錄的特點,所以拍完出來你會發現,影片顏色看上去會很灰的樣子,但亮部同陰影的細節,就相當豐富。

    以上純為理論層面,在現實層面又如何呢?即時 Show 俾大家睇下,開左 LG-Cine Log 同無開有乜分別:


    ▲ 無開 Cine Log 拍出來的影片。


    ▲ 開啟左 Cine Log 之後,會變得相對灰黃一點。而儲存為 Log 檔後,你可以用一些影片編輯軟件,例如 Premiere Pro,自行調較你喜歡的色調。
     

    小結

    試玩了一小時多 V30+,我會覺得在外型設計上有了很大的進步,但還是稍嫌欠缺了一些自己獨有的特色。不過,Overall 黎講我係滿意嘅,而且夠輕身,是一件好事。但相機方面,質素表現還是有不少進步空間,尤其是在成像細緻度方面。另外,V30+ 亦加入左好多專業級數的功能,就好似 Cine Log 格式般,適合一些專業的,想拍出電影級數效果影片的高手們。其實,V30+ 賣點點止咁少,佢仲具備升級了的 Hi-Fi DAC,呢啲如有機會的話,再會同大家試下。網友又對呢部 V30+ 有無興趣呢?留言講下啦!

    LG V30+ 在文章發表時,大舖賣價為 $5998,按這裡有詳細規格及最新賣價
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁