版主教你簡單一招同囡自拍!LG V40 ThinQ 開箱評測 + 跑分

左定坤 (Cho Ting Kwan) 2019-01-24 18:20 | LG
LG V40 ThinQ 終於到港!而家先出,係咪太遲?遲,無錯係遲咗啲,但同 LG 傾開,原來係有原因,就係因為要特別為香港市場推雙卡,所以先搞到咁遲先 Ready 好,呢個解釋,網友接唔接受呢?不過,實際玩過部 V40 ThinQ 之後,版主第一印象相當鍾意,就算遲咗幾個月,都無減佢嘅吸引力。可能版主鍾意影相,尤其是自拍,相機佢有好多 Gimmick,值得我去玩下。借走咗部 V40 ThinQ,而家就先同大家做個開箱評測。睇下文啦!

V40 ThinQ(Facebook).jpg

開箱毋需講咁多,直接睇相最實際:


用 S845 處理器,LG V40 ThinQ 跑分速看

LG V40 ThinQ 配備 Qualcomm S845 處理器,內置 6GB RAM 以及 128GB ROM,並支持最高 2TB microSD 記憶卡擴充。版主會利用安兔兔跑分軟件,測試一下 V40 ThinQ 的 CPU、GPU 能力,再用 AndroBench 5 看看 V40 ThinQ 的讀寫速度如何。得出結果如下:

Screenshot_2019-01-24-18-49-51.png
▲ 安兔兔跑分結果為 266602 分,當中的 CPU 得分為 83968 分,而 GPU 得分則為 119760 分,整體成績以 S845 手機來說,略為偏低,跟小米 POCOPHONE F1 不相伯仲,CPU 成績甚至比 POCOPHONE F1 更低,但 GPU 成績就算是相當理想,有接近 12 萬的分數。

LG V40 ThinQ 相機功能試玩

其實只係發佈會之後玩咗幾個鐘,但成部 V40 ThinQ 最令我着迷的,就係佢相機的功能,主要係有好多的 Gimmick 位,同有幾個抵讚位:

001:具有三鏡頭,支持超廣角、標準和遠攝拍照
其實呢個又唔係咩特別 Gimmick,一向 LG 旗艦都有玩開超廣角,甚至係而家嘅 V40 ThinQ 反而比起舊代 V30+ 無咁廣角,以前玩 120 度廣角拍攝,家陣得返 107 度,不過我估計 LG 有這樣的調整,可能是為了改善因廣角造成過份變形的問題。

今次 V40 ThinQ 的標準鏡頭有 F1.5 大光圈,感光元件單位像素亦提升至 1.4um,LG 表示在夜拍方面細緻度比起以前 V30+、G7 ThinQ 進步咗好多,會有驚喜。值得一提的是,V40 ThinQ 具有三主鏡頭,第三個鏡頭作遠攝用途,可以支援 2 倍光學變焦 (當配合超廣角鏡使用時可達 16x 變焦)。

上面提到,LG 講到 V40 ThinQ 喺夜拍方面會有驚喜,實際上表現如何呢?版主找來了 HTC U12+ 來跟 V40 ThinQ 比拼一下。
 
LG V40 ThinQ (標準鏡) HTC U12+
20190124_191150_HDR.jpg IMAG1390.jpg
20190124_191406.jpg IMAG1391.jpg
20190124_191521_HDR.jpg IMAG1392.jpg
20190124_192106_HDR.jpg IMAG1394.jpg
▲ 在低光環境下拍攝,其實版主覺得 LG V40 ThinQ 已經算係合格,相比 HTC U12+,兩部手機各有千秋,V40 ThinQ 的味精會相對強烈一點,但好似第四組相片般,V40 ThinQ 影出嚟成像會光啲,起碼睇得到。而 HTC U12+ 則相對色準一點,更能還原到現場色彩。網友又點睇呢?

另外版主都給大家看看,V40 ThinQ 超廣角以及遠攝的表現:
 
超廣角 遠攝
20190124_192114_HDR.jpg 20190124_192124_HDR.jpg

002:有 Triple Shot 功能
上面提到 V40 ThinQ 會有三個鏡頭,而 Triple Shot 呢個功能就係畀你三個鏡頭同時拍攝,標準、Wide Angle、遠攝同時影一張,另外仲會自動用呢三張相整條短片。就好似咁......



003:AI CAM 介面設計終於 Make Sense 番
大家仲記唔記得,LG 一開波喺 G7 ThinQ 上加入 AI CAM 果陣,成件事係相當理解唔到,點解我影住架單車,但會係咁彈好多毫不相關的東西出嚟呢?而且辨識的速度都很慢。不過,而家 V40 ThinQ 終於正常番,例如影住食物,就會直接喺右下角顯示「美食模式」,唔會再係咁彈啲奇怪嘢出嚟,辨識速度亦比以前更快。而 LG 亦都表示,未來 G7 ThinQ 亦會透過 Update,將 AI Cam 介面回復正常。

Screenshot_2019-01-24-16-05-46.png

004:超簡單褪地換背景!一招同女「自拍」無難度?
呢個功能好正,只要開啟自拍鏡頭,打開肖像模式,你就見到有個位畀你加入一張照片,加入之後你再自拍,就可以自動將你個樣 Key 落你加入果張相度,呢個功能用來呃下 Like,幾好玩!先嚟張 Model 示範先:

Screenshot_2019-01-24-15-49-16[1].png 20190124_154238.jpg
▲ 當然既然要褪地,你影相時個背景唔可以太花,如果唔係就可能會失敗,無咗一忽咁。

20190124_175236.jpg
▲ 不過計我話,呢個功能識玩一定咁玩!你睇~幾多女女同我影相 XD

005:加入 Cine Shot 功能
呢個功能首先需要錄下大約 3 秒的影片,錄完之後只要你用手指將你想佢郁的範圍塗漆,就可以整到淨係果個位郁,其他位唔郁。示範如下:


▲ 好似呢條片咁,本身左邊果個旋轉木馬都會轉,但因為我無將果個範圍塗漆,淨係將右邊摩天輪塗漆,所以淨係得右邊會郁。

小結

寫咗一大篇幅講相機,其實好玩的地方不止於此,有機會版主再同大家分享下。老老實實,版主玩完呢部手機之後,實在可以話愛上咗呢部手機,影相方面亦都進步咗唔少,更重要是加入咗好多玩味性功能,特別鍾意自拍的版主嚟講,呢啲功能真係好好玩。不過亦都平心而論,好玩還好玩,V40 ThinQ 而家仲係標 $5998,我會覺得還是稍為昂貴,畢竟呢部機外國賣咗咁耐,同埋 S855 手機都就出,下個月仲話會發表 LG G8,咁係咪應該落返少少價,先能夠提高到個吸引力呢?網友又點睇呢?

LG V40 ThinQ 在文章發表時,大舖賣價為 $5998,按這裡有詳細規格及最新賣價

相關產品 (1)

相關報導 (5)

LG V40 ThinQ 大舖劈價!落價千三  網友肯清貨?

LG V40 ThinQ 大舖劈價!落價千三 網友肯清貨?

等咗好耐,終於再等到LG旗艦落價消息!記得早一兩年前,LG旗艦跌價速度簡直能夠稱王,差唔多每隔幾個星期,就又收到LG乜乜乜手機落價,果陣時版主有題材寫又開心,網友食住花生睇LG跌價仲開心。只不過去到近呢幾年,LG話要控制返個價格,唔畀佢跌價咁快,所以你先發現到,減價少咗好多。繼4月初V系列旗艦落價之後,來到今個月呢部手機大舖又再減價,呢個價網友肯幫佢一把清貨嗎?睇下文啦!

左定坤 (Cho Ting Kwan) | 2019-05-02
總分 94 分,LG V40 ThinQ 的 DxOMark 分數揭曉

總分 94 分,LG V40 ThinQ 的 DxOMark 分數揭曉

LGV40ThinQ是2018年10月首度對外界發表的上一代V系列旗艦,相機規格部分是前二後三總共五顆鏡頭的配置;主鏡頭部分搭載了16mm超廣角鏡頭,以及都有OIS的標準、兩倍光學變焦望遠鏡頭。而儘管這款手機帳面上的拍照規格看來不錯,但不久前DxOMark首度公布了 LGV40ThinQ的分數表現,拿下93分的總分,分數排名倒是並沒有特別高。

Keith Yim | 2019-04-22
韓系五鏡頭手機比拼!LG V40 ThinQ 是「呃 Like 之王」

韓系五鏡頭手機比拼!LG V40 ThinQ 是「呃 Like 之王」

眾所周知,鬥多鏡頭係未來手機的趨勢,而現時香港有賣的手機之中,最多就玩到「五鏡頭」,LGV40ThinQ就係其中一部。鏡頭多,可以用一部手機玩到廣角、遠攝功能,無錯係比起以前,實用性大大提高。然而,小編認為除咗一些實用性功能外,玩味性功能同樣重要,用手機影相最終目的係乜?就係放上IG/Facebook呃Like!V40ThinQ內置的相機功能,就算係同為韓牌的「五鏡頭」對手,都無佢咁好玩!講到「呃Like之王」,一定係佢!

管理員 | 2019-03-19
版主教你簡單一招同囡自拍!LG V40 ThinQ 開箱評測 + 跑分

版主教你簡單一招同囡自拍!LG V40 ThinQ 開箱評測 + 跑分

LGV40ThinQ終於到港!而家先出,係咪太遲?遲,無錯係遲咗啲,但同LG傾開,原來係有原因,就係因為要特別為香港市場推雙卡,所以先搞到咁遲先Ready好,呢個解釋,網友接唔接受呢?不過,實際玩過部V40ThinQ之後,版主第一印象相當鍾意,就算遲咗幾個月,都無減佢嘅吸引力。可能版主鍾意影相,尤其是自拍,相機佢有好多Gimmick,值得我去玩下。借走咗部V40ThinQ,而家就先同大家做個開箱評測。睇下文啦!

左定坤 (Cho Ting Kwan) | 2019-01-24
2018 等到 2019!LG V40 ThinQ 入手六個必知,賣價優惠速睇

2018 等到 2019!LG V40 ThinQ 入手六個必知,賣價優惠速睇

由2018拖到2019都未見影的LGV40ThinQ,終於有賣價同上市日嘅消息了!而豐澤亦都已在Facebook專頁發帖,宣布呢部V40ThinQ現已接受預訂,而且預訂仲有嘢送?!如果網友對呢部V40ThinQ有興趣,就要留意以下六點!

左定坤 (Cho Ting Kwan) | 2019-01-21

最新新聞