先講幾句往事，小弟擁有第一代 Moto G，對它的評價非常高！ 因為當時平價機裡面，它的話音質素和系統流暢度係最高，沒有之一，作為入門主力機或者後備機一流！ 其後就因為 1GB RAM 無法承受我高達 5GB 既 whatsapp 資料而被逼轉用其他手機。等又再等，Moto G 2015 終於帶住 2GB RAM 登場！ Sorry，我收拾激動既心情，同大家講翻部機既規格先。
處理器用上入門級四核心 Snapdragon 410，運行最新既 Android 5.1.1， 5 吋 720p 屏幕，前鏡頭 500 萬像素，主鏡頭 1300 萬像素 F2.0 大光圈配合雙色 LED，呢個係 Nexus 6 果粒感光元件黎！ 呢部 Moto G 2015 當然支援 4G，有 micro-SD 卡擴充，電量達到 2470mAh，以及重點功能 IPX7 防水設計！ 初階版得 1GB RAM / 8GB ROM，高階版就有 2GB RAM / 16GB ROM，定價分別折合港幣約 1455 元和 1578 元。
但根據過往經驗，香港在引進 Moto 手機速度和價格上，不太緊貼國際市場既實況。 但小弟還是抱著期待既心情，希望這次能夠盡快到港啦～仲有，大陸都有 Moto Maker 啦，點解香港未有?