模組手機再劈價!最正原生 Android 旗艦手機,一定揀佢?

左定坤 (Cho Ting Kwan) 2016-12-29 12:45 | Moto
其實自從 LG G5 出現左之後,版主自己對模組手機,都有一點點的興趣,可惜 G5 設計工藝做得差,淨係睇佢背後果條罅,已經 feel 到好容易會爛咁。而版主覺得,真正叫做合格的模組手機,應該是推出大約兩個月的 Moto Z,無論是造工抑或模組的質素,都遠勝 G5 一大截,可惜價錢上亦都貴不少。不過,最近版主發現,Moto Z 大舖已再有減價,到底減左幾多呢?而佢又能唔能夠成為最正原生 Android 旗艦手機?睇下文啦!

場料(Facebook).jpg

模組手機大舖淨機新低價,減完都仲係貴,不如細舖好過?
先由 Moto Z 說起。Moto Z 可以講係現時最正的模組手機,特別係佢個哈蘇 True Zoom 相機模組,可以玩到十倍變焦,而且裝左上去之後,仲成部數碼相機咁,呢樣真係值得一讚,加上用上原生 Android 系統,簡直同 G5 係兩個層次。當然,價錢上都有天與地的差別,Moto Z 雖然建議零售價 $4999,以旗艦機來說好似幾合理,但減價幅度並不多,之前一直做緊「即減 $300」,不過最近大舖終於再跌價,淨機減多二舊水,賣 $4498,而細舖價則暫時企硬 $4080 左右,你又點睇呢?

有 Moto Z 無模組,就等同普通手機無分別,但可惜的是,Moto Z 的模組實在是太貴了,淨係睇番佢個哈蘇鏡頭,建議零售價都要成三千幾蚊,實在是嚇死人。加上不少大舖模組都缺貨,想買模組嘅都係建議去細舖搵。擁有 10 倍變焦能力的哈蘇相機模組,最新賣價約 $2080,而投影機模組則為 $1780。至於 POWER Pack 以及 JBL 喇叭,細舖價則分別約 $600 以及 $650 (JBL 喇叭如果跟 Moto Z 一齊買,會再平少少,加埋 $4680)。唔知有無買左 Moto Z 的網友,可以分享一下你哋的用後感呢?

15725308_366817587010387_2036346130_o.jpg
▲ Moto Z 近期大舖減多 $200,賣 $4499,淨機睇唔算貴,但唔買模組,真係無乜必要買 Moto Z。想買模組,可以考慮去細舖入手。

最正原生 Android 旗艦,一定係佢?
講到原生 Android 旗艦,點可以唔記得親生仔?Nexus 系列已成過去,新仔 Pixel 系列香港行貨幾時出又未知,咁講嚟做乜?雖然,Pixel 系列的確未有行貨,不過如果想提早入手呢個被評為影相最靚的手機,可以考慮水貨。Pixel 32GB 現時最新水貨價 (歐版) 介乎 $5380 - $5680 之間 (視乎顏色而定),而 128GB 則約 $6780; 至於大屏的 Pixel XL,32GB 賣價約 $6880,而 128GB 賣價則約 $8580。雖然 Moto Z 模組係好玩,不過唔知大家認唔認同,最正的原生 Android 旗艦,應該都係 Pixel 先啱呢?
 
型號 顏色 水貨賣價
Google Pixel (32GB) 黑 / 白 $5380
  $5680
Google Pixel (128GB)   $6780
Google Pixel XL (32GB) 黑 / 白 $6880
Google Pixel XL (128GB) 黑 / 白 $8580

貴過 iPhone 7 Plus!Google 親生仔 Pixel XL 天價抵港!

Moto Z 在文章發表時,大舖賣價為 $4499,按這裡有詳細規格及最新賣價
Google Pixel (128GB) 在文章發表時,香港上市日期未定,按這裡有詳細規格及最新賣價
Google Pixel XL (128GB) 在文章發表時,香港上市日期未定,按這裡有詳細規格及最新賣價

最新新聞