香港有價!平價「小米 5s Plus」,Moto M 配 P15 好抵玩?
|
Moto
魅族 Pro 6 Plus 聽日會在香港發表,有關上市日期以及賣價,聽日版主會再同大家講。而呢篇文章會主要講 Moto M,規格上屬於中階級數,講左價錢先,Moto M 開價 $2299,將於 2017 年 1 月 20 日在蘇寧、CityLink 領域 等零售店舖公開發售。呢個價錢應該唔算好貴。不過外型上版主個人就不是太喜歡,用上金屬機身 + 5.5 吋 FHD 屏幕,支持防潑防濺,明明沒有雙鏡頭,但從機背上看來,整個設計都同小米 5s Plus 非常相似。唔知網友有沒有這樣的感覺呢?
▲ 香港會有金、銀、灰三色。
規格方面,Moto M 配備了 MTK Helio P15 處理器。未聽過?呢粒 U 係上年 10 月的時候發表的,係 P10 的進階版,而家將會用在呢部 Moto M 上,內置 4GB RAM 以及 32GB ROM,並支持最高 128GB 的 microSD 擴充。至於實際效能如何,版主遲下會試下。Moto M 配備了 800 萬像素的前置鏡頭以及 1600 萬像素的主鏡頭,並具備雙 CCT 閃光燈。另外,Moto M 的後置揚聲器更採用了 Dolby Atmos 專利技術,而電池方面則有 3000mAh,並支持 4G + 3G 雙卡雙待功能。Moto M 將會運行 Android 6.0 作業系統。
除了 Moto M 之外,Lenovo K6 Note 亦會現身,規格上同 Moto M 好相似,有 5.5 吋 FHD 芒、4000 大電以及指紋辨識,同樣具有 1600 萬像素主鏡頭以及 800 萬像素前置鏡頭,支持 PDAF 相位對焦技術以及全景聲音效技術,並會用上 Qualcomm S430 處理器 + 4GB RAM + 32GB ROM,同時亦支持 4G + 3G 雙卡雙待。至於 K6 Note 香港建議零售價 $1799,不過原來細舖原來已經有賣,約 $1480。你又會唔會有期待呢?
▲ 香港只有銀、金兩種顏色。