配 U11 級數鏡頭 + 模組式設計!Moto Z2 Play 賣價貴唔貴?
|
Moto
同版主之前收風個價錢一樣,Moto Z2 Play 的建議零售價為 $3699,將於 7 月 20 日正式賣街,顏色部份有太空灰、香檳金兩種。同上代一樣,Moto Z2 Play 是支持 Moto Mods 的,不過在文章發表時,發佈會現場未有關於新模組 GamePad 的消息,網友會不會覺得可惜呢 (如果稍後時間有講,版主會在文章內同大家更新)?而 Moto Z2 Play 賣呢個價錢,網友又覺得係唔係真係值呢?
Moto Z2 Play 擁有 5.5 吋 1080p 屏幕,外型上跟上代 Z Play 有點類似,雖然 YK 仔覺得呢個設計好正,但我個人就不大認同。不過如剛才所說,每個人的眼光都唔同,好難用你的審美觀去批評我的審美標準,所以靚與唔靚,相信網友心目中會有自己一個主觀的答案。配置方面,Z2 Play 配備了 S626 處理器,內置 4GB RAM 以及 64GB ROM,用上 HTC U11 上的 Sony IMX362 感光元件,有 1200 萬像素 + F1.7 光圈。不過如果真係為左個相機的話,其實 G5 Plus 都是用同一粒感光元件,二千蚊都唔使已經買得到。所以重點是,會買呢部 Z2 Play 的網友,一定是為了其模組式設計,網友們,是時候入手 Z Play 了嗎 (誤 xD)?
現場有擺新模組 Gamepad 出來,但賣幾錢,暫時未有消息。
Moto Z2 Play 在文章發表時,將於 7 月 20 日上市,建議零售價為 $3699,按這裡有詳細規格及最新賣價。