版主教你!唔駛用 Note8 唔駛等三星!一秒即變八達通手機

虎仔 / 馬日山 2018-01-18 13:25 | Moto
「嘩!八達通夾埋入手機裡面,好方便!」是的,只要帶手機出街,又可以俾錢 +搭車。但現在支援 Smart Octopus 嘅手機,得三個款,其中一部 Samsung GALAXY A8+  正如昨天版主 Keith 所說,要等到三月先用到。其實,唔駛咁高科技,版主教你一個「一秒即變八達通手機」的配件。

motofb.jpg

坦白說當 Motorola 宣佈模組式配件項目 MotoMod 時,版主虎仔不但不睇好,更懷疑 Motorola 能否兌現持續推出新配件的承諾,以為他們會好像 LG 般半途而廢,很快就會放棄這個想法。怎知道 MotoMod 越出越多,而且功能亦越來越廣泛。日前發表的全新 MotoMod 配件 Moto Folio 定價只需 11.24 美元(折合 HK$88),只要識得用,Moto Z 系列手機用戶都可以像最新的 Samsung 手機般,在搭巴士港鐵時用手機以八達通入閘,在 7 仔 OK 隨時支付或增值。

不過別以為 Moto Folio 是什麼高新科技,說穿了它只是一個重 55g,厚度 3.5mm 的保護面蓋,內裏有一個暗格可以讓用戶收藏一張卡,用戶擺放八達通就可以有八達通的功能,當然用戶亦可以放身份證、大門匙卡、工作證或信用卡等。

0118-1a.jpg

Moto Folio 手機保護面蓋兼容所有 Moto Z 手機,並且有黑、紫和金 3 色選擇。可惜的是,暫時 Moto Folio 只在美國上市,香港用戶還要等等。實上,坊間唔少手機保護套,都有暗格俾你放錢放八達通。

所以,你要手機變八達通:其實唔難。

資料來源:phonearena
 

最新新聞