手機形狀將不只是方形?Sharp 展示 Free Form Display 無邊框手機
|
Sharp
其實 Free Form Display 技術,又唔可以話係新野,Sharp 早在 2014 年已經展示過,讓顯示屏唔再局限於方形,可以係圓形三角形,甚至可以係其他任何的形狀。而今次 Sharp 在日本 CEATEC JAPAN 2016 (日本高新技術博覽會)上,就展示了一款適用於手機的 Free Form Display,屏幕採用了 IGZO 顯示技術,大小約 5.2 吋,解像度有 1920 x 1080,有 425ppi。最吸引的地方是,部手機仲具備無邊框技術,看上去真係好靚!唔知網友認唔認同呢?
事實上,今次的電子展中,手機並不是重點,Sharp 的重點只是顯示屏,不過可以估計,在展中 Sharp 展示的手機,是一部完成度極高的 Android 手機,望落似係 Sharp 305SH 嘅圓潤版,既有三天皇虛擬鍵,而且仲有打電話嘅介面,就咁睇真係幾乎整部手機的表面都是顯示屏,只有下巴位置留了少許地方加上了「SHARP」的字樣,初步估計屏佔比有 90%,視覺效果相當不錯。不過呢部手機係唔係真係會推出呢?暫時未知,但如果真係推出而價錢又合理的話,應該會幾有吸引力。另外,如果手機適用的 Free Form Display 真的推出,未來相信會出現不少奇形怪狀的手機。網友點睇呢?
來源:科技偵探社