Nexus 5X 行貨平四百, Nexus 6P 32/64GB 版平更多!
今年 Google 一改作風,分別推出定位中階的 LG Nexus 5X 同埋由華為代工的 Nexus 6P 。係規格來講當然係 Nexus 6P 更強啦,不過因為 Nexus 6P 始終係大陸牌子出品,造工方面早前都傳出左不少問題,所以吸引力反而不及規格較差的 Nexus 5X 。價錢方面, Nexus 5X 近日都多左細鋪有賣,為有意入手行貨 Nexus 5X 的朋友提供多一個選擇。 Nexus 5X 分為 32GB 版以及 16GB 版本,版主留意到在深水埗鴨寮街當中,以 32GB 版本減價比較多,以賣行貨的細鋪來計,最平約 $3498 ,比起原價平四百。而 16GB 版本就比原價平 $300 左右,最平版主見過 $3098 。
而 Nexus 6P 比起 5X 遲少少到港,但係減價卻減得更多!呢部用上 Qualcomm S810 的 Nexus 旗艦分為 32 、64 以及 128GB 版本。之前版主阿坤都提過, Google 在 Nexus 6P 開賣當日於官網提到係「限量發售」,但其實除左大鋪之外,唔少細鋪都有賣呢部機,大家實在不用擔心買唔到。係價錢方面,即使 Nexus 6P 只係剛開賣,其細鋪價已經減左不少,64GB 版本只係 $4450 而 32B 版本係 $4150 ,兩款都比起原價平五百有多。
▲ Nexus 6P 雖然用上金屬機身同旗艦規格,不過機背造型就唔係人人都 Buy 。
華為 P8 加強版大鋪減多兩百!
難得講到華為手機,就要順便提埋 P8 加強版啦!叫得做加強版,呢部機主要不同的地方就係在內置方面升級到 64GB 同埋用上主頻方面提升至 2.2GHz 的 Kirin 935 。可能因為賣點實在不吸引, P8 加強版價錢都跌得幾快,上月 P8 加強版價錢已經減過一次,近排係衛訊又再減,賣 $3980 ,比原價平左 $500 。能成為取代「親生仔」的選擇? Moto X Style 情況看來不樂觀呢
「親生仔」之所以吸引,除左因為有最快的升級之外,可以體驗到純正的 Android 相信都係原因之一。而 Moto 之前一口氣推出的 Moto X Play 同 Moto X Style 就備受網友所期待。不過,自從在暑假發佈之後, Moto X Style 卻遲遲都未有開賣的消息。近排,版主收到風, Moto X Style 係今年在港開賣機會不大,不知一眾 Moto 支持者會否失望呢?留言講講吧!▲ 如果要從一眾華為於今年推出的手機之中選一部的話,版主仍然會選 Nexus 6P ,因為親生仔呢個優勢啊。
▲ Moto X Style 其實版主個人都好期待,但看來今年買到的機會都唔大!
在文章發佈時, Nexus 5X (16GB) 賣價為 $3398 ,按此看手機詳細規格及最新賣價。
在文章發佈時, Nexus 6P (32GB) 賣價為 $4688 ,按此看手機詳細規格及最新賣價。
在文章發佈時,華為 P8 加強版賣價為 $3980,按此看手機詳細規格及最新賣價。
在文章發佈時,Moto X Style 在港發售日期未定,按此看手機詳細規格及最新賣價。