LG 代工都有伏? Nexus 5X 爆出多項問題!
|
Google
最近陸續海外使用者買左部 Nexus 5X 番黎之後,抱怨 Nexus 5X 有 Lag 機嘅問題,手機越用就越慢,而且情況相當明顯。不過有人推測呢個問題未必真係關 Nexus 5X 事,可能係由 Android 6.0 系統的 bug 所造成。
另外,亦有使用者稱,當使用第三方嘅 App 影相嘅時候,啲相會出現上下㒹倒嘅問題,不過呢個問題都唔算係一個大問題。更有使用者表示,Nexus 5X 叉緊電嘅時候,觸控反應會變得好慢,嚴重起上黎可能直澄無法進行觸控操作,呢個問題相對就嚴重得多。據了解,Nexus 5X 充電時屏幕會出問題,源頭可能在於個充電器上,只要換一個充電器,就應該可以解決呢個問題。
以上所提及到嘅問題,雖然並唔係每一個 Nexus 5X 使用者都碰到,但亦都代表左 Android 6.0 可能仲有一啲 bug 需要盡快修正。唔知有無網友用緊 Nexus 5X,出現到以上提及嘅情況呢?
消息來源:Phonearena、Reddit