早前已傳出 HTC 會另一個版本嘅 One M8，把 M8 傳奇延續下去。今日 HTC 歐洲正式發佈了呢部 HTC One M8s。HTC One M8 與 HTC One M8s 有乜分別：CPU 改為 Qualcomm S615 嘅 64bit 雙四核心。相機部份，沒有採用 UltraPixel 相機，改為千三萬像素鏡頭作後置相機，前鏡一樣是五百萬像素。 留意千三萬像素規格，跟 Butterfly 2 係一樣嘅，Sony IMX214 感光元件：支援 F2.0 大光圏 ，28mm 廣角。跟 Butterfly 2 一樣，有 Duo Camera 方便拍攝。 其他呢，都係跟 HTC One M8 一樣吧。HTC One M8s 有三款顏色：Glacial Sliver、Gunmetal Gray 及 Amber Gold，英國賣價係英磅 £379.99 （約 HK$4373)，比起香港水尾 M8 水貨都貴喎。 HTC 歐洲版手機係無中文介面，但一樣有 HTC Input 中文輸入法。呢個版本對應 FDD-LTE Band 3, 5 , 7 , 8 , 20，係香港用都無問題嘅。