可能係 14 年最受歡迎嘅 HTC 機， Desire 820 終於減價！
係 14 年下半年推出的 HTC Desire 820 因為支援中港 4G 雙卡兼五模多頻，規格又唔弱加上賣價唔過三千，係剛推出的時候有唔少朋友都好留意。可能因為定位相似而且規格更強的 Desire 826 近日正式推出的關係， Desire 820 終於係大鋪有減價啦！係規格來講， Desire 820 而家睇仍然唔錯，一來有雙卡兼且支援中港 4G ，而且係屏幕上都有 720p 5.5 吋解像度。係處理器上都係首部使用 Qualcomm Snapdragon 615 配 2GB RAM 以及 16GB 內置容量。相機方面都用上 1300 萬像素 F2.2 光圈主鏡頭同埋 800 萬像素前鏡，不過電池得 2600mAh 可能就比較弱少少啦。係價錢方面， HTC Desire 820 由 $2998 減左少少變成 $2798 ，係減價之後 Desire 820 同 Desire 820s 價格相距就更少了。
▲ 減價後，同用上 MTK 處理器的 Desire 820s $2598 相比 Desire 820 只係貴兩百蚊咋。
6 吋巨芒 ＋ 五模十七頻 Samsung Galaxy Mega 2 一樣有減！
同樣支援中港 4G 仲要成五模十七頻的 Galaxy Mega 2 屏幕比 Desire 820 仲要大，有成 6 吋而解像度就係 1280x720 ，以規格來講 Mega 2 其實係不及 Desire 820 嘅。處理器方面只得 Qualcomm S410 1.2GHz 同 2GB RAM 而更且內置容量只有 8GB ，係相機方面 Galaxy Mega 2 主鏡頭有 1300 萬像素而前鏡就係 500 萬像素，係勝在電量有 2800mAH 比 Desire 820 多。係價錢方面， Galaxy Mega 2 就由 $2998 減三舊到 $2698 ，減得都唔算好多但總好過無嘅。
▲ Galaxy Mega 2 係減價後就比 Desire 820 更平。
簡單做個總結，來到復活節大家可以見到係 2014 下半年各大廠牌推出的中價機終於都開始慢慢減價啦。比較可惜係減價幅度都不算大，剛剛分享果兩部機都只係平左兩三百。唔知大家又會唔會襯而家買上年的減價中階機呢？不妨留言講講啦！
在文章發佈的時侯，HTC Desire 820 賣價為 $2,798，按此看詳細規格和最新賣價。
在文章發佈的時侯，Samsung Galaxy Mega 2 賣價為 $2,698，按此看詳細規格和最新賣價。