HTC One M9 價錢唔再企硬!大鋪有減場內更平

Lawrence 2015-04-21 17:28 | HTC
HTC 的旗艦手機一向都有一定的質素保證,好可惜 One M9 一來自身都有問題而且本身定價貼近六千真係唔算平,而版主 Eddie 都提過係大鋪唔算太好賣。可能因為反應真係麻麻地,版主近來見到大鋪終於都有減價啦!同時場內的 One M9 價錢都都開始唔再企硬,想知而家係咪 HTC One M9 的入手好時機?咁就要睇睇下文啦。icon

//timgm.eprice.com.hk/hk/mobile/img/2015-04/21/201716/lawrencelaw_1_4542_30ad874c18667c2c7d3ae945e27daabc.jpg

HTC One M9 大鋪終於減!場內價錢一齊跌

對比返早前兩代的 One M7 同埋 M8 , HTC One M9 呢部年度重頭戲相較之下真係比較失色。除左因為 Qualcomm S810 本身問題之外睇返 Eddie 的 Review 都可見 One M9 的 2000 萬像素鏡頭表現都幾令人失望,再加上 $5998 呢個定價比起對手 Samsung Galaxy S6 更貴,吸引力自然就更低啦。亦因為咁,當 One M9 係四月頭推出時不少網友的反應都係比較理性地留待呢部機減價時再入手。果然事隔不到一個月,呢部旗艦終於都減價,版主今日見到有大鋪已經為 M9 標上「照價再減」的字樣,雖然幅度不大只係減左 $300 變成 5698 ,同 Galaxy S6 睇齊,不過推出一個月就開始減價對有意入手的朋友來講都算是一個好消息啦!

至於大鋪價錢算唔算低?同先達場內做對比的話,其實目前大鋪 M9 售價同場內價錢相距不算好大。版主去睇過場內的「行貨」價錢其實都有減到,大約價位為 $5180 左右,平左兩百蚊。如果想再平啲入手的話,場內水貨價錢較平都要 $4680 ,同大鋪售價差距有一千蚊左右。(但留意係沒有中文的,要為 M9 加上中文的話要加兩百,即係差不多 $4900 )

最後,版主都要提提大家其實 HTC One M9 大鋪減價都有可能係官方策略,因為 HTC One M9+ 同埋 One E9+ 都已經在大陸發佈左。雖然話第一步會係大陸推出,而國際版就未有時間表,但係香港推出的機會其實仍然係不小的(話晒印度 5 月都會出,無香港份說不過去啊)。唔知大家又覺得今次 HTC One M9 減價後吸引力又大唔大呢?不妨留言分享下啦!icon

//timgm.eprice.com.hk/hk/mobile/img/2015-04/21/201716/lawrencelaw_1_4542_7540b4cf89ecb4d55c77cb9a0d6ef87e.jpg
▲ 雖然 $4680 呢個價錢同大鋪減完之後都差成千蚊,但係佢只係得英文,(當然顯示中文無問題)要加返中文就大約 $4900 了,呢個亦係場內平均水貨價。

在文章發佈的時侯, HTC One M9 香港賣價為 $5,698,按此看詳細規格與最新賣價。

最新新聞