大鋪 HTC 中港 4G 雙卡手機齊齊減！性價比算唔算高？
提起中階級別的中港 4G 雙卡手機，以大牌子來講主要都係以 Samsung 同埋 HTC 為主。而今次係大鋪有減價的手機就係 HTC 的 Desire 820 同埋年頭先推出的 Desire 826 啦！首先講下 Desire 820 先，呢部中階機雖然推出左已經有一段時間，但係減價次數不算多，對上一次減價已經係 4 月頭嘅事，仲要只係小減兩百蚊。如果從帳面規格來睇 Desire 820 算係一部到而家都仍然有一定吸引力的機款，除左有雙卡兼且支援中港 4G ，係屏幕上都有 720p 5.5 吋解像度。係處理器方面更加係首部使用 Qualcomm Snapdragon 615 配 2GB RAM 以及 16GB 內置容量的手機。相機方面都用上 1300 萬像素 F2.2 光圈主鏡頭同埋 800 萬像素前鏡，係電池方面比較遜色，只得 2600mAh 。講到價錢的話，大家都應該知道 HTC 係推出左 MTK 版本的 Desire 820s ，本身定價都比 Desire 820 平，不過係大鋪再減價後， Desire 820 而家已經追平左 Desire 820s ，兩者一樣係 $2398 ！另一款大鋪減價的手機就係 Desire 826 啦！雖然只係年頭推出，但前排 HTC 就已經襯母親節期間推出「母親節獻禮」優惠而將佢減價！唔知係咪因為爸親節將近所以 HTC 又將佢再減價呢？從規格來看 Desire 826 無疑係比起 Desire 820 更出色。雙卡中港 4G 同樣有，屏幕更提升到 5.5 吋 FHD 解像度，而處理器方面就一樣係 Qualcomm S615 配 2GB RAM 同 16GB 內置容量。相機方面賣點之一就係前鏡有 UltraPixel 400 萬像素。同樣地 Desire 826 都只有 2600mAh 電量，可能對用家來講未必足夠。係價錢方面，今次 Desire 826 可以話係 HTC 慣常的小減價，由 $2998 減至 $2798 。
嫌大鋪減價未夠多？ Samsung HTC 雙卡機深水埗細鋪行貨更平
對於今次大鋪的減價來講，好可能大家都覺得減得唔夠喉，加上 Samsung 方面的中階雙卡機未有減到，選擇不算多。版主就到左深水埗細鋪睇睇，果然比起大鋪係價錢上仍然係有優勢！係 HTC 兩部機來講深水埗細鋪的價錢同減價之後的大鋪相距不多， Desire 826 大約係賣緊 $2680 而 Desire 820 就係 $2198 。但係 Samsung 的 Galaxy A5 同埋 Galaxy A7 就值得留意，因為大鋪未有減的關係兩者差距係有幾百的。版主到鴨寮街問過 Galaxy A5 目前只需 $2498 而 Galaxy A7 就係 $3040 ，唔知大家又覺得以上幾款大牌子雙卡機是否適合做「父親節獻禮」呢？一齊講講啦。
▲ 大鋪 Samsung A5 同 A7 價錢上都無變動。
▲ Desire820 同 Desire 820s 都有「特價發售」字樣，價錢都一樣。
在文章發佈的時侯，HTC Desire 820 賣價為 $2,398，按此看詳細規格和最新賣價。
在文章發佈的時侯，HTC Desire 826 賣價為 $2,798，按此看詳細規格和最新賣價。