HTC One E8 兩千五有找！會唔會係性價比最高的 S801 手機？
今次同大家分享的減價 S801 HTC 旗艦打頭炮嘅就係以平價作為賣點的 HTC One E8 啦！之前版主係平價入手 S801 行貨旗艦攻略中就提到過 E8 目前都仍然係 HTC 最平的 S801 手機，而家大鋪再減多次之後性價比相信又提高了。提到 One E8 的賣點主要其實都係支援中港 3G,4G （唔好笑！雖然而家已經好多手機支援中港 3,4G 但仍然係有 S801 新機係唔支援㗎！），同時間整體規格上都有 5 吋 FHD 屏幕、 Qualcomm S801 2.5Ghz 處理器配 2GB RAM 以及 16GB 內置容量（支援 SD 卡），相機鏡頭為 500 萬像素前鏡以及 1300 萬像素主鏡頭，電量就有 2600mAh 。係價錢方面，而家衛訊又將 One E8 減至 $2498 ，足足減左三百蚊，大家又覺得吸引力大唔大呢？
▲ 再減一減後，相信 One E8 都到左最後階段了，呢個價錢大家覺得有無得再減呢？
Desire Eye 大鋪小減價，細鋪更抵玩？
另一部減左價的 HTC 上代旗艦就係 Desire Eye 了！比起 One E8 係規格上其實 Desire Eye 係更強大的，主要原因係佢有支援 IPX7 防水啊！除左支援防水之外 Desire Eye 同 One E8 一樣係屬於支援中港 3G 、 4G 的機種，係硬件方面就有 5.2 吋 FHD 解像度屏幕同埋 Qualcomm S801 2.3GHz 配 2GB RAM 以及 16GB 內置容量。相機方面都係 Desire Eye 的主要賣點，因為有前後雙 1300 萬像素鏡頭，電池方面就有 2400mAh 。同 One E8 唔同，雖然衛訊有將 Desire Eye 的價錢減兩百至 $3598 ，但其實呢個價錢並不算吸引。因為係數月前版主就已經同大家提過中原推出左 Desire Eye 的減價優惠， $3398 就可以入手！好可惜係今次版主再到中原問價時， $3398 呢個優惠價已經無做了，價錢同衛訊一樣要 $3598 。如果想入手平價行貨的話可能到深水埗細鋪入手行貨更著數，因為版主見到只係 $3198 ，大家入手前就要留意啦！ 
▲ Desire Eye 係大鋪雖然有減，但係其實都未算好吸引。
▲ 係細鋪到 Desire Eye 只需 $3198 ，呢個價錢就吸引多了。
在文章發佈的時侯， HTC Desire Eye 香港賣價為 $3598，按此看詳細規格與最新賣價。
在文章發佈時，HTC One E8 賣價為 $2498 ，按此看詳細規格及最新賣價。