再無五字頭旗艦! HTC M9+ 跌穿五字頭,平足一千
今年 HTC 兩部金屬機身作主打的手機 M9 同埋 M9+ 作為主打,但得到的回應看來不算好理想。除左因為 M9 表現略遜於其他旗艦之外,定價高於大家的預期看來都係原因之一,而 M9+ 又係一個好例子。係規格上看來 m9+ 其實唔係話差,都有 2K 解像度 5.2 吋芒,八核心 MTK helio X10 2.2GHz 配 3GB RAM 同埋 32GB 內置容量,相機係兩千萬像素主鏡搭 400 萬像素前鏡,電池就有 2840mAh 。雖然話規格唔差但弊在本身定價要成 $5998 , MTK 處理器定係呢個價位本身都令不少網友嘩然。後來當 One ME 出埋之後,規格一樣只係少左雙鏡頭同換成膠機身定價卻平足千六蚊,更加令 M9+ 定位顯得尷尬。可能因為咁,大鋪就將 M9+ 賣價減足一千,而家 $4998 就有交易!5.5 吋 2K 大芒 HTC E9+ 平七百,三千七有找
之後出場就係 HTC 的 E9+ dual sim 。可能因為 HTC 上年改變左策略的關係,對上一次 HTC 出大芒旗艦手機其實已經係好耐以前的 HTC One Max 了。所以今次 E9+ 的推出版主係街上間唔中都會見到有人用,而聽講係今年眾多 HTC 旗艦中都算係賣得較好果部。係規格上面雖然話 HTC 部部機都差不多,但 E9+ 都有佢嘅亮點 5.5 吋大芒,再配上 MTK helio X10 2.0GHz 八核處理器同埋 3GB RAM 以及 32GB 內置容量再加上可以插卡。相機又有 2000 萬像素主鏡頭以及 400 萬像素前鏡頭。係規格上算係一部幾吸引的大芒機,如果要數缺點的話就係得 2800mAh 電量吧,畢竟有大芒但係電量 3000mAh 不到實在係差咁啲。係價錢方面,而家衛訊將 E9+ 劈價劈至 $3698 ,雖然就無 M9+ 「即減一千」咁誇張,但係性價比來講都算係高左嘅。經過今次的減價後 HTC 呢批旗艦可以話以「中階機價」去賣,係吸引力上大家又覺得夠唔夠呢?一齊來講講啦!▲ 如果喜歡 HTC Duo 雙鏡的話,其實新機之中只係有 M9+ 可以選擇 ,五千有找又叫唔叫抵?
▲ E9+ 係版主比較看好的 HTC 機種,主因為大芒機係香港幾受歡迎,同時係四部 HTC 旗艦中最平果部。
在文章發佈的時侯,HTC One M9+ 賣價為 $4998,按此看詳細規格和最新賣價。
在文章發佈的時侯,HTC One E9+ 賣價為 $3698,按此看詳細規格及最新賣價。