開賣兩個月不到,價錢減近三分一! HTC One Me SUN Mobile 機價追平 LG G3 !
今次勁減的 HTC 主角就係 One ME 了,呢部機同時係今年 HTC 四部中高階機之中最遲推出的一部,係七月頭先出。想唔到,事隔兩個月不到 One ME 係價錢上就已經減左唔少了。之前版主 Keith 就同大家提過 HTC 調整左 One ME同 One E9+ 的賣價,前者只係需要 $3698 ,同原價比減左七百蚊。開賣接近兩個月減左七百坦白講其實不算很誇張,但係近排 Sub Mobile 就主動再減,而且係一口氣將出機價減多 $500 ,即時令 One ME 上台價跌穿三千,只係 $2988 就有交易,同開賣左一年有多的 LG G3 打左個和!由此可見,係劈價上其實 HTC 都唔會比 LG 手軟啊!而同樣係用左 MTK 處理器,早排跟 One ME 一齊係大鋪減價的 HTC One E9+ 係 Sun Mobile 的上台價其實都有平,價錢係 $2888 。值得留意係 Sun Monile 的 $96 限速 Plan 其實今日就係最後一日了,由 9 月 1 號起月費將會加價為 $106 ,如果合約快完又想轉台的朋友要留意啦!
唔想上台又想平買行貨?深水鋪細鋪一樣有平!
若果大家想平買 One ME 或者 One E9+ 同時又不想上台的話,深水埗的細鋪係價錢上雖然未有做到咁平,但都有一定的吸引力嘅。版主留意到係鴨寮街來講 One ME 的價錢只係 $3198 而 One E9+更加平過三千, $2950 就有交易。雖然 One ME 的價錢未跌破三千但係 E9+ 跌到落二字頭相信都有一定的吸引力嘅。唔知大家又會襯而家入手兩部價錢暴跌的手機還是留待下半年更多強機推出再作打算呢?一齊留言講講吧!▲ 版主留意過,Sun Mobile 目前做緊的 One ME 上台機價分分鐘比水貨更平啊!
▲ 深水埗細鋪係大鋪減價後都跟住減,相信 E9+ 跌破三千應該算係來到一個「抵玩」的範圍吧!
在文章發佈時, HTC One ME 定價為 $3698 ,按此看手機詳細規格及最新賣價。
在文章發佈時, HTC One E9+ 定價為 $3398 ,按此看手機詳細規格及最新賣價。