HTC One M9 衛訊再劈價，最多減四百！
呢排可能因為 iPhone 開賣的關係，好多廠商都選擇一動不如一靜，沒有甚麼減價的動作，但係 HTC 手機的價錢卻一直有變動。有網友就曾經問過 One M9 減到 $3998 已經有一段時間，不知幾時大鋪會再減。想不到話咁快而家就有減價啦！呢部 HTC 係今年第一部推出的旗艦在規格上有 5 吋 FHD 芒、 Qualcomm S810 處理器搭 3GB RAM 以及 32GB 內置容量，相機就係 2000 萬像素主鏡頭以及 400 萬像素 UltraPixel 前置鏡頭。而家係衛訊最平賣價只係 $3598 ，但要留意，呢個只係金銀色版本的價錢，如果係金色或者係灰色版本的話，係要 $3798 （同時不能做免息分期的）。唔知大家又覺得最新賣價夠唔夠吸引呢？極光版要來了？ HTC One M9+ 即減 $500
除左 HTC One M9 減到落三千中之外，另一部價位一直企得幾硬（但細鋪行價卻跌了不少）的 One M9+ 都減左，果然係雙旗艦，要減都一齊減呢！係之前 HTC 的發佈會之中，除左 Bufferfly 3 之外另一部就係 M9+ 極光版，新機同 M9+ 主要的分別就係在於極光版主要係在主相機方面加入左 OIS 光學防手震以及雷射對焦模組，但就取消左雙鏡頭的設計。另外，新的 M9+ 極光版係相機像素上係 2100 萬，不同而家 m9+ 的 2000 萬，不知是否代表 HTC 已棄用東芝鏡頭呢？不過講左咁多，最重要都係 M9+ 極光版會幾時賣，呢樣目前真係唔清楚了。另外，而家 M9+ 係大鋪已減為 $4498 ，雖然減足 $500 ，但感覺上又唔覺 M9+ 平左好多，大家又點睇？不妨留言講講吧！
▲ 右邊就係減價後的 One M9 了，（係文章發佈前一刻 M9 改價後 M9+ 都改左價）
▲ M9+ 極光版發佈後，收到的反應好似不算很積極，而家 M9+ 減完價後大家又點睇？
在文章發佈時， HTC One M9 賣價為 $3598 ，按此看手機詳細規格及最新賣價。
在文章發佈時， HTC One M9+ 賣價為 $4498 ，按此看手機詳細規格及最新賣價。