HTC 下周發佈神秘「新產品」!救市新機 Butterfly 3 即將到港?

Lawrence 2015-10-07 19:27 | HTC
上星期 HTC 就係日本發佈左下半年的重點旗艦 Butterfly 3 以及 HTC One M9+ 極光版,兩部新機各有自已賣點,前者主打防水同外型,後者就加入左 OIS 防手震同用左新相機模組。剛剛 HTC 香港就宣佈會係下星期三( 14 號)舉行發佈會,但就未有講明是次發佈的「新產品」會是甚麼,令成件事增加左唔少神秘感。不過版主就收到風知道今次發佈會將會推出的新產品是甚麼了,一齊來睇睇!

//timgm.eprice.com.hk/hk/mobile/img/2015-10/07/203503/lawrencelaw_1_4542_e65da89cca995f7c59a0659e5314ed57.jpg


Butterfly 3 香港不會出?版主收風:HTC 下星期發佈 M9+ 極光版機會最大

剛剛提到, HTC 今次宣佈下星期會舉行發佈會,只係提到會有新產品但卻未有新產品的更多資料。如果睇返近來 HTC 發佈左的新產品來推算,當中只有 Butterfly 3 同埋 M9+ 極光版係正式發佈左,反而定位中高階的 A9 就未有消息,所以下星期 HTC 所發表的新產品看來一係 Butterfly 3 或 M9+ 一齊出,或者係是但一部首先推出。

正路來看大家都知 HTC 熱愛機海戰術,要出新機當然係打孖上。不過版主就收到消息,指出 Butterfly 3 在香港其實未有發售的計劃,即係呢部防水機在下星期同大家見面的機會不大了。反而 M9+ 的小改版 M9+ 極光版在香港就已經有上市計劃,預計在十月尾開賣,由此看來下星期的主角係 HTC M9+ 極光版機會最大。當然,如果下星期發佈 A9 版主都唔敢話沒有可能,若然真係出 A9 的話就會係香港率先發佈,將會相當震撼啊!最後再貼多次 M9+ 極光版對決 M9 以及 Galaxy Note 5 的相機實測,看起來相機方面真的進步不小,大家又有無興趣呢?不妨留言講講吧!

HTC One M9+ 極光版、M9、Note 5 實拍同台較勁!
▲ 之前台灣版主 Jason 用了 Note 5 去跟 M9+ 極光版比拼,大家又點睇?

在文章發佈時,HTC One M9+ 極光版發售日期未定,按此看手機詳細規格及最新賣價

最新新聞